Connect with us

Ongoing News

ഇസ്‌ലാമോഫോബിയക്കെതിരെ ശരങ്ങളുതിര്‍ത്ത് കുഞ്ഞുപ്രഭാഷകര്‍

Published

|

Last Updated

ഖാദിസിയ്യ: ലോകത്ത് ഇസ്‌ലാമിനും മുസ്‌ലിംകള്‍ക്കുമെതിരെ നടക്കുന്ന വേട്ടക്കെതിരെ രോഷാകുലരായ കുഞ്ഞു പ്രഭാഷകരുടെ പ്രസംഗങ്ങളിലുടനീളം മുതലാളിത്തവും മാധ്യമങ്ങളും ആസൂത്രിതമായി സൃഷ്ടിച്ചെടുത്ത ഇസ്‌ലാമോഫോബിയക്കെതിരായ ശരങ്ങളായിരുന്നു. ലോകത്തിന് സൗഹാര്‍ദത്തിന്റെയും സഹിഷ്ണുതയുടെയും ഉദാത്ത മാതൃക കാണിച്ച് നല്‍കിയ വിശുദ്ധ മതത്തിന്റെ അനുയായികളെങ്ങനെയാണ് ഇത്രമേല്‍ ഇരയാക്കപ്പെട്ടതെന്ന ആകുലതകളും ചോദ്യശരമായി ഇവര്‍ ഉയര്‍ത്തി.

ഏഴയലത്ത് പട്ടിണി കിടക്കുന്നവര്‍ ഇല്ലെന്ന് ഉറപ്പുവരുത്തിയേ ഉണ്ണാവൂ എന്നും, മറ്റുള്ളവര്‍ തന്റെ കൈകളില്‍ നിന്നും നാവില്‍ നിന്നും രക്ഷപ്പെട്ടാലേ സ്വര്‍ഗം പ്രാപിക്കൂവെന്നുമുള്ള സഹിഷ്ണുതയുടെയും കാരുണ്യത്തിന്റെയും അപാരമായ സന്ദേശങ്ങള്‍ ലോകത്തിന് നല്‍കിയ ഇസ്‌ലാം അന്യായമായി ക്രൂശിക്കപ്പെടുന്നതിലെ പ്രതിഷേധവും പ്രകടിപ്പിച്ച കുഞ്ഞുപ്രഭാഷകര്‍ ഇത്തരം പ്രകോപനങ്ങള്‍ അക്രമത്തിന്റെ പാതയിലേക്ക് തിരിയാനുള്ള ഹേതുവാകരുതെന്നും ഇത്തരം ശ്രമങ്ങള്‍ ഇസ്‌ലാമിനെ വീണ്ടും തെറ്റിദ്ധരിപ്പിക്കുമെന്ന യാഥാര്‍ഥ്യവും ഓര്‍മിപ്പിച്ചു.

 

 

---- facebook comment plugin here -----

Latest