Gulf
ഇസ്രായേല്‍ പ്രതിനിധിക്കെതിരെ യു എന്നില്‍ ഖത്വറിന്റെ വിമര്‍ശം
ദോഹ: ഐക്യരാഷ്ട്രസഭ ജനറല്‍ അസംബ്ലിയുടെ 72ാമത് സെഷനില്‍ വൈസ് പ്രസിഡന്റായി യു എന്നിലെ ഇസ്രായേല്‍ അംബാസിഡര്‍ ഡാന്നി ഡാനന്‍ നിയോഗിക്കപ്പെടുന്നതില്‍ ഖത്വര്‍ പ്രതിഷേധം അറിയിച്ചു. യു എന്‍ ജനറല്‍ അസംബ്ലിയില്‍ അറബ് ഗ്രൂപ്പിനെ പ്രതിനിധീകരിക്കുന്ന ഖത്വറിന്റെ സ്ഥിരം പ്രതിനിധി ശൈഖ ആലിയ ബിന്‍ സെയ്ഫ് അല്‍ താനിയാണ് നിലാപാട് വ്യക്തമാക്കിയത്. 21 അംബാസിഡര്‍മാരാണ് നടക്കാനിരിക്കുന്ന സെഷനിലേക്ക് നിയോഗിതരാകുന്നത്. ഇതില്‍ ഇസ്രായേല്‍ പ്രതിനിധി ഉള്‍പ്പെട്ടതിനെതിരെയാണ് ഖത്വര്‍ രംഗത്തു വന്നത്. വെസ്‌റ്റേണ്‍ യൂറോപ്യന്‍ ഗ്രൂപ്പിനെ പ്രതിനിധീകരിച്ചാണ് ഇസ്രായേല്‍ അംബാസിഡര്‍ തിരഞ്ഞെടുക്കപ്പെട്ടത്. ഈ വര്‍ഷം സെപ്തംബര്‍ 12നാണ് യു എന്‍ ജനറല്‍ അസംബ്ലിയുടെ 72ാമത് സെഷന്‍ ആരംഭിക്കുന്നത്. ജനറല്‍ അസംബ്ലിയുടെ നിലവിലെ പ്രസിഡന്റ് പീറ്റര്‍ തോംപ്‌സണ്‍ ഇസ്രായേല്‍ പ്രതിനിധിയുടെ പേര് പ്രഖ്യാപിച്ച ഉടന്‍ തന്നെ ശൈഖ ആലിയ എഴുന്നേറ്റ് പ്രതിഷേധം അറിയിക്കുകയായിരുന്നു. ഖത്വറിനൊപ്പം ഇറാന്‍, സിറിയ അംബാസിഡര്‍മാരും ഇസ്രായേലിനെതിരെ വന്നു.
Latest
എയര്‍ ഇന്ത്യ ജീവനക്കാരുടെ സമരം; തിരുവനന്തപുരം, കൊച്ചി വിമാനത്താവളങ്ങളില്‍ പകരം സംവിധാനം ഏര്‍പ്പെടുത്തി
ഹരിപ്പാട് റോഡരികില്‍ പാര്‍ക്ക് ചെയ്തിരുന്ന കാര്‍ കത്തിനശിച്ചു; അഗ്‌നിരക്ഷാസേനയെത്തി തീ കെടുത്തി
കോവിഷീല്‍ഡ് വാക്‌സിന്‍ പിന്‍വലിക്കുന്നതായി ആസ്ട്രാ സെനക
സംസ്ഥാനത്ത് ഇന്ന് രണ്ട് ജില്ലകളിലൊഴികെ താപനില ഉയരും; മുന്നറിയിപ്പ്
സംസ്ഥാനത്ത് പുതിയ പാര്‍ട്ടി ; ജനതാദള്‍ എസിന്റെ നേതൃ യോഗം ഇന്ന്
ലാവ്‌ലിന്‍ കേസ് ; സുപ്രീം കോടതിയില്‍ ഇന്ന് അന്തിമവാദം
