International
ഭൗതിക ശാസ്ത്ര നൊബേല് ബ്രിട്ടീഷ് വംശജരായ മൂന്ന് ശാസ്ത്രജ്ഞര്ക്ക്
സ്റ്റോക്ക്ഹോം: ഭൗതിക ശാസ്ത്രത്തിനുള്ള നൊബേല് പുരസ്കാരത്തിന് ബ്രിട്ടീഷ് വംശജരായ മൂന്ന് ശാസ്ത്രജ്ഞര് അര്ഹരായി. ഡേവിഡ് തൊലസ്, ദുന്കന് ഹാല്ഡേന്, മൈക്കല് കോസ്റ്റര്ലിറ്റസ് എന്നീ ഗവേഷകരാണ് പുരസ്കാരത്തിന് അര്ഹരായത്.
ദ്രവ്യത്തിന്റെ വിചിത്ര അവസ്ഥകളിലേക്ക് വെളിച്ചം വീശിയ അന്വേഷണങ്ങളാണ് മൂവരെയും നൊബേല് പുരസ്കാരത്തിന് അര്ഹരാക്കിയത്. മെറ്റീരിയല് സയന്സിലും ഇലക്ട്രോണിക്സിലും പുതിയ ആപ്ലിക്കേഷനുകള് കണ്ടെത്താന് ഇവരുടെ അന്വേഷണങ്ങള് സഹായിച്ചതായി നൊബേല് കമ്മിറ്റി വിലയിരുത്തി.
6.1 കോടി രൂപയാണ് സമ്മാനത്തുക. അതില് പകുതി വാഷിങ്ടണ് സര്വകലാശാലയിലെ ഡേവിഡ് തൊലസിന് ലഭിക്കും. ബാക്കി പകുതി പ്രിന്സ്റ്റണ് സര്വകലാശാലയിലെ ദുന്കന് ഹാല്ഡേനും ബ്രൗണ് സര്വകലാശാലയിലെ മൈക്കള് കോസ്റ്റര്ലിറ്റ്സും പങ്കിടും.
---- facebook comment plugin here -----