Kozhikode
ഭിന്നശേഷിയുള്ളവര്‍ക്ക് മര്‍കസ് 23 ലക്ഷത്തിന്റെ സഹായം വിതരണം ചെയ്തു
കുന്ദമംഗലം: കാരന്തൂര്‍ മര്‍കസുസ്സഖാഫത്തിസ്സുന്നിയ്യക്ക് കീഴില്‍ ഭിന്നശേഷിയുള്ളവര്‍ക്ക് ധനസഹായം നല്‍കുന്നതിന്റെ ഉദ്ഘാടനം മര്‍കസ് ഓഡിറ്റോറിയത്തില്‍ നടന്നു. ഭിന്നശേഷിയുള്ളവര്‍ അനുഭവിക്കുന്ന വിവിധതരം ശാരീരിക മാനസിക പ്രശ്‌നങ്ങള്‍ പരിഹരിക്കാന്‍ ആവശ്യമായ ആധുനിക സാങ്കേതിക ഉപകരണങ്ങളും ഇതോടൊപ്പം നല്‍കി. കോഴിക്കോട്, വയനാട് ജില്ലകളില്‍ നിന്ന് തിരഞ്ഞെടുത്ത 41 ഭിന്നശേഷിയുള്ളവര്‍ക്കാണ് സഹായം നല്‍കിയത്. സര്‍ക്കാറിന്റെ സാമൂഹിക ക്ഷേമ വകുപ്പിന് കീഴിലുള്ള കോഴിക്കോട് കമ്പോസിറ്റ് റീജിനല്‍ സെന്റര്‍ ഡയറക്ടര്‍ ഡോ. റോഷന്‍ ബിജാലീ പദ്ധതി ഉദ്ഘാടനം ചെയ്തു.
സമൂഹത്തില്‍ ക്രിയാത്മക മാറ്റമുണ്ടാക്കി രാഷ്ട്ര നിര്‍മാണത്തെ സജീവമാക്കണമെങ്കില്‍ ഭിന്നശേഷിയുള്ളവരുടെ വികസനം കൂടി ചാരിറ്റി പദ്ധതികളുടെ പ്രധാന ഭാഗമാകണമെന്നും കാരന്തൂര്‍ മര്‍കസ് അക്കാര്യത്തില്‍ നടപ്പാക്കുന്ന പ്രവര്‍ത്തനങ്ങള്‍ മാതൃകാപരമാണെന്നും അദ്ദേഹം പറഞ്ഞു. ഭിന്നശേഷിയുള്ള കുട്ടികളുടെ ജീവിതവൃത്തിക്കുള്ള ധനസഹായ വിതരണവും ഡോ. റോഷന്‍ ബിജാലീ നിര്‍വഹിച്ചു. ഉനൈസ് കല്‍പ്പകഞ്ചേരി ഭിന്നശേഷിയുള്ളവര്‍ക്കുള്ള ഉപകരണങ്ങളുടെ വിതരണോദ്ഘാടനം നിര്‍വഹിച്ചു. റഷീദ് പുന്നശ്ശേരി അധ്യക്ഷത വഹിച്ചു. അജിനാസ് പൂനൂര്‍, ലത്വീഫ് സഖാഫി പെരുമുഖം, മൂസ ഹാജി, മെഹബൂബ് പ്രസംഗിച്ചു. യൂസുഫ് നൂറാനി സ്വാഗതവും അബ്ദുല്‍ ബാരി നൂറാനി നന്ദിയും പറഞ്ഞു.
Latest
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
കാലിഫോര്‍ണിയയില്‍ ഇലക്ട്രിക് കാര്‍ മറിഞ്ഞ് തീപിടിച്ചു; നാലംഗ മലയാളി കുടുംബം മരിച്ചു
മലയിന്‍കീഴ് വോട്ടിങ് ബൂത്തില്‍ അരലക്ഷം രൂപ ഉപേക്ഷിച്ച നിലയില്‍
ഇന്ത്യ അടുത്തൊന്നും രക്ഷപ്പെടുന്ന ലക്ഷണമില്ല; ഏത് പാര്‍ട്ടി ജയിച്ചാലും നമുക്കെതിരാകും: ശ്രീനിവാസന്‍
വോട്ട് ചെയ്യാനെത്തിയ സ്ത്രീ തെരുവ് നായയുടെ കടിയേറ്റ് ആശുപത്രിയില്‍
ദുബൈയില്‍ വാഹനാപകടത്തില്‍ തൊടുപുഴ സ്വദേശി മരിച്ചു
