Gulf
ഇസ്‌ലാമിലെ വ്യാപാരം: മൂന്നാമത് ഫോറം തുടങ്ങി
ദോഹ: ഇസ്‌ലാമിലെ വ്യപാര കാഴ്ചപ്പാടുകള്‍ ചര്‍ച്ച ചെയ്യുന്നതിനായി സാമ്പത്തിക, വാണിജ്യ മന്ത്രാലയം സംഘടിപ്പിക്കുന്ന മൂന്നാമത് ഫോറം ദോഹയില്‍ തുടങ്ങി. അല്‍ മര്‍ഖിയ ശൈഖ് ഈദ് ചാരിറ്റി ഫൗണ്ടേഷന്‍ തിയറ്ററില്‍ നടക്കുന്ന ഫോറം സാമ്പത്തിക വാണിജ്യ മന്ത്രി ശൈഖ് അഹ്മദ് ബിന്‍ ജാസിം ബിന്‍ മുഹമ്മദ് അല്‍ താനി ഉദ്ഘാടനം ചെയ്തു. ശൈഖ് ഈദ് ചാരിറ്റി ഫൗണ്ടേഷനുമായി സഹകരിച്ചാണ് ഫോറം സംഘടിപ്പിക്കുന്നത്. ഫൗണ്ടേഷന്‍ ചെയര്‍മാന്‍ ഡോ. ശൈഖ് മുഹമ്മദ് ബിന്‍ ഈദ് അല്‍ താനി, ഖത്വര്‍ ചേംബര്‍ വൈസ് ചെയര്‍മാന്‍ മുഹമ്മദ് ബിന്‍ തവാര്‍ അല്‍ കുവാരി തുടങ്ങിയവര്‍ ഉദ്ഘാടന സെഷനില്‍ സംബന്ധിച്ചു. ഡോ. താരിഖ് അല്‍ സുവൈദാന്‍, ഡോ. മുഹമ്മദലി അവാദി, ശൈഖ് അഹ്മദ് അല്‍ ബുഅയ്‌നൈന്‍ തുടങ്ങി വിവിധ മേഖലകളില്‍ നിന്നുള്ള ഇസ്‌ലാമിക പണ്ഡിതന്‍മാര്‍, ചിന്തകര്‍ പങ്കെടുക്കുന്നു. ഇസ്‌ലാമിലെ വ്യാപാര നിയമം, നിബന്ധനകള്‍, രീതികള്‍, സാമ്പത്തിക പ്രവര്‍ത്തനങ്ങള്‍, യുവ വ്യാപാരം തുടങ്ങിയ വിഷയങ്ങള്‍ ചര്‍ച്ച ചെയ്യും.
Latest
ഒറ്റപ്പാലത്ത് വോട്ടർ കുഴഞ്ഞുവീണു മരിച്ചു
കോഴിക്കോട് ബൂത്ത് ഏജന്റ് കുഴഞ്ഞു വീണ് മരിച്ചു
എല്‍ഡിഎഫ് ചരിത്ര വിജയം നേടും; കേരള വിരുദ്ധ ശക്തികള്‍ക്കെതിരായ താക്കീതാകും തിരഞ്ഞെടുപ്പ്: മുഖ്യമന്ത്രി
സംസ്ഥാനത്ത് ആദ്യ മണിക്കൂറില്‍ പോളിങ് 12 ശതമാനം കടന്നു
ഇന്ത്യന്‍ ഗ്രാന്റ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ വോട്ട് രേഖപ്പെടുത്തി
വോട്ടിന് പണം ; സുരേഷ് ഗോപി നാടിനെ നാണം കെടുത്തിയെന്ന് വി സ് സുനില്‍കുമാര്‍
