Gulf
യമനില്‍ രക്തസാക്ഷികളായ സൈനികരുടെ മയ്യിത്ത് ഖബറടക്കി
അബുദാബി: യമനില്‍ രക്തസാക്ഷികളായ യു എ ഇ സൈനികരുടെ മയ്യിത്ത് യു എ ഇയില്‍ കൊണ്ടുവന്ന് ഖബറടക്കി. അബുദാബി അല്‍ ബതീന്‍ എക്‌സിക്യുട്ടീവ് വിമാനത്താവളത്തില്‍ സൈനിക ബഹുമതികളോടെയാണ് ഏറ്റുവാങ്ങിയത്. ഓപറേഷന്‍ റെസ്റ്റോറിംഗ് ഹോപ് എന്ന പേരില്‍ സഊദി അറേബ്യയുടെ നേതൃത്വത്തില്‍ ഹൂത്തി വിമതരെ തുരത്താന്‍ നടത്തുന്ന യുദ്ധത്തില്‍ കഴിഞ്ഞ ദിവസം രക്തസാക്ഷികളായ സായിദ് അലി അല്‍ കഅ്ബി (37), മുഹമ്മദ് ഉബൈദ് അല്‍ ഹമൂദി (25) എന്നിവരുടെ മൃതദേഹങ്ങളാണ് ഇന്നലെ എത്തിച്ചത്. മരിച്ച സൈനികരുടെ ഭൗതിക ശരീരം മുതിര്‍ന്ന സേനാ ഉദ്യോഗസ്ഥര്‍ ഏറ്റുവാങ്ങി. സൈനികര്‍ സഞ്ചരിച്ച വിമാനം സാങ്കേതിക തകരാര്‍ കാരണം നിലം പതിക്കുകയായിരുന്നുവെന്നാണ് റിപ്പോര്‍ട്ടുകള്‍.
അറബ് സഖ്യ സേനക്ക് കീഴില്‍ യു എ ഇ സൈനികര്‍ ധീരമായ പ്രകടനമാണ് യമനില്‍ നടത്തുന്നത്. ഇപ്പോള്‍ രണ്ടാം ബാച്ചില്‍ ഉള്‍പെട്ട പട്ടാളക്കാരാണ് യമനിലെ ഔദ്യോഗിക സര്‍ക്കാരിന് പിന്തുണയുമായി അവിടെ സേവനം ചെയ്യുന്നത്. യമന്‍ പ്രതിസന്ധി ആരംഭിച്ച ശേഷം അറുപതില്‍ അധികം യു എ ഇ സൈനികരാണ് രക്തസാക്ഷികളായത്.
സായിദ് അല്‍ കഅബിയുടെ മയ്യിത്ത് നിസ്‌കാരം ഫുജൈറ ശൈഖ് സായിദ് ഗ്രാന്റ് മസ്ജിദിലും മുഹമ്മദ് അല്‍ ഹമൂദിയുടെ മയ്യിത്ത് നിസ്‌കാരം ദിബ്ബ ശൈഖ് റാശിദ് ബിന്‍ അഹ്മദ് അല്‍ ഖാസിമി മസ്ജിദിലും നടന്നു.
Latest
കോട്ടയം മെഡിക്കല്‍ കോളജില്‍ കെട്ടിടം തകര്‍ന്ന് സ്ത്രീ മരിച്ച സംഭവം; ജില്ലാ കലക്ടറുടെ നേതൃത്വത്തിലുള്ള അന്വേഷണം ഇന്ന് തുടങ്ങും
ബിഗ് ബ്യൂട്ടിഫുള്‍ ബില്‍ ജനപ്രതിനിധി സഭയും പാസാക്കി; ട്രംപ് ഇന്ന് ഒപ്പ് വെക്കും
സഊദിയില്‍ വെടിയേറ്റു മരിച്ച ഐ സി എഫ് പ്രവര്‍ത്തകന്‍ ബഷീറിന്റെ മയ്യിത്ത് നാട്ടിലെത്തിച്ചു
കോട്ടയം മെഡി. കോളജ് അപകടം; രക്ഷാപ്രവര്‍ത്തനം വൈകിപ്പിച്ച മന്ത്രിമാര്‍ രാജിവെക്കണം: പ്രതിപക്ഷം
ഗുണ്ടകളെ പൂട്ടാന്‍ കടുത്ത നടപടിയുമായി പോലീസ്; എച്ച് വെങ്കിടേഷിന് ചുമതല
വാട്‌സ്ആപ്പ് സന്ദേശങ്ങളും കരാറായി പരിഗണിക്കും
