International
സിറിയയില്‍ കൂടുതല്‍ ആക്രമണങ്ങള്‍ നടത്തുമെന്ന് അല്‍ഖാഇദ ഭീഷണി
ബെയ്‌റൂത്ത്: സിറിയയില്‍ നിന്ന് റഷ്യ പിന്‍മാറുന്ന അവസരത്തില്‍ സിറിയയില്‍ കൂടുതല്‍ ആക്രമണങ്ങള്‍ നടത്താന്‍ അല്‍ഖാഇദയുടെ സിറിയന്‍ സംഘടനയായ അന്നുസ്‌റ പദ്ധതിയിടുന്നു. അടുത്ത 48 മണിക്കൂറിനുള്ളില്‍ സിറിയയില്‍ കൂടുതല്‍ ആക്രമണങ്ങള്‍ നടത്തുമെന്ന് അന്നുസ്‌റ ഭീകരന്‍ സ്‌കൈപ്പിലൂടെ വാര്‍ത്താ ഏജന്‍സിയോടു പറഞ്ഞു. മേഖലയില്‍ സ്വാധീനമുണ്ടാക്കാന്‍ കഴിയാത്തതിനാലാണ് റഷ്യന്‍ സൈന്യം പിന്‍മാറുന്നത്. ലതാകിയ നഗരത്തില്‍ തങ്ങളുണ്ടെന്നും സിറിയന്‍ സൈന്യത്തെ റഷ്യ തരംതാഴ്ത്തിയെന്നും സിറിയന്‍ സൈന്യം ഭീരുക്കളാണെന്നും പേരുവെളിപ്പെടുത്തരുതെന്ന നിബന്ധനയില്‍ അന്നുസ്‌റ തീവ്രവാദികള്‍ പറഞ്ഞു.
കഴിഞ്ഞ സെപ്തംബര്‍ മുതലാണ് സിറിയയില്‍ റഷ്യന്‍ സൈന്യം വ്യോമാക്രമണം തുടങ്ങിയത്. വിമതരെ തുരത്താന്‍ സിറിയന്‍ സൈന്യത്തിന് ഇത് ഏറെ സഹായകമായിരുന്നു. കഴിഞ്ഞ മാസം 27 മുതല്‍ സിറിയയില്‍ പ്രതിപക്ഷ പാര്‍ട്ടികളുമായി വെടിനിര്‍ത്തല്‍ കരാര്‍ നിലവില്‍ വന്നിരുന്നെങ്കിലും അന്നുസ്‌റ ഫ്രണ്ടിനെതിരെയും ഇസില്‍ ഭീകരവാദികള്‍ക്കെതിരെയും സിറിയന്‍ സൈന്യം ആക്രമണം ശക്തമാക്കിയിരുന്നു.
Latest
കടലില്‍ കാണാതായ വിദ്യാര്‍ഥിയുടെ മൃതദേഹം കരക്കടിഞ്ഞു
യുവതി വിവാഹാലോചനയില്‍ നിന്നു പിന്‍മാറി; വീട് കയറി ആക്രമണത്തില്‍ അഞ്ചുപേര്‍ക്ക് പരിക്ക്
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്‌ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്‍; നാല് പരിപാടികളില്‍ പങ്കെടുക്കും
രാഹുല്‍ ഗാന്ധിയുടെ പരിപാടിയില്‍ ലീഗ് കൊടി ഉയര്‍ത്തി; വണ്ടൂരില്‍ സംഘര്‍ഷം
