Gulf
ഇസ്ലാമിക പഠന കോണ്ഫറന്സ് ഷാര്ജയില് തുടങ്ങി; ഇന്ത്യയില് നിന്ന് 20 പേര്
ഷാര്ജ: ഷാര്ജ ഭരണാധികാരിയും യു എ ഇ സുപ്രീം കൗണ്സില് അംഗവുമായ ഡോ. ശൈഖ് സുല്ത്താന് ബിന് മുഹമ്മദ് അല് ഖാസിമിയുടെ രക്ഷാകര്തൃത്വത്തില് സംഘടിപ്പിക്കുന്ന അല് മുന്തദ 15-ാമത് അന്താരാഷ്ട്ര ഇസ്ലാമിക പഠന കോണ്ഫറന്സിനു ഷാര്ജയില് തുടക്കമായി. നിരവധി രാജ്യങ്ങളില് നിന്നും പ്രതിനിധികള് പങ്കെടുക്കുന്ന സമ്മേളനത്തില് ആഗോളതലത്തില് പ്രശസ്തമായ ഇസ്ലാമിക ഗ്രന്ഥങ്ങള് ചര്ച്ച ചെയ്യുകയും തനതായ ഇസ്ലാമിക ആശയങ്ങള് പ്രബോധനം ചെയ്യുന്നതിനും വേണ്ടിയുള്ള പദ്ധതികള്ക്ക് രൂപംകൊടുക്കുകയും ചെയ്യും.
ഷാര്ജ ഇസ്ലാമിക് ഫോറത്തിന്റെ മേല്നോട്ടത്തിലാണ് പരിപാടികള് നടക്കുന്നത്. അറബ് ലോകത്തുള്ള പ്രമുഖ പണ്ഡിതന്മാരാണ് ക്ലാസുകള് നയിക്കുന്നത്. ഇന്ത്യയില് നിന്ന് കാരന്തൂര് മര്കസു സ്സഖാഫത്തി സ്സുന്നിയ്യയുടെ കീഴിലായി മലപ്പുറം മഅ്ദിന്, കുറ്റിയാടി സിറാജുല് ഹുദാ, അരീക്കോട് മജ്മഅ്, കൊളത്തൂര് ഇര്ഷാദിയ്യ എന്നീ സ്ഥാപനങ്ങളില് നിന്നും തിരഞ്ഞെടുക്കപ്പെട്ട 20 വിദ്യാര്ഥികള് കോണ്ഫറന്സില് പങ്കെടുക്കുന്നുണ്ട്. ഇന്ത്യന് പ്രതിനിധികള്ക്ക് ഇസ്ലാമിക് ഫോറം, ഐ സി എഫ് എന്നിവയുടെ നേതൃത്വത്തില് ഷാര്ജ വിമാനത്താവളത്തില് സ്വീകരണം നല്കി. ഡോ. അയ്മന് നാജി സലാം, അബ്ദുന്നാസിര് വാണിയമ്പലം, അബ്ദുസ്സലാം സഖാഫി എരഞ്ഞിമാവ്, അബ്ദുല് ഖാദിര് സഖാഫി പങ്കെടുത്തു.
Latest
യു എസ് ഇടക്കാല തിരഞ്ഞെടുപ്പിന് ശേഷം ഇറാനുമായി കരാറിലെത്തുമെന്ന് പ്രത്യാശ: ട്രംപ്
ഐ ഐ ടി ക്യാമ്പസുകളില് ആത്മഹത്യകള് വര്ധിക്കുന്നു; കഴിഞ്ഞ രണ്ട് പതിറ്റാണ്ടിനിടെ ജീവനൊടുക്കിയത് 173 വിദ്യാര്ത്ഥികള്
ബിഹാറില് പെണ്കുട്ടിയെ ആള്ക്കൂട്ടം ഉപദ്രവിച്ച കേസ്; രക്ഷപ്പെടാന് ശ്രമിച്ച മുഖ്യപ്രതിയെ പോലീസ് വെടിവെച്ച് പിടികൂടി
ശൈഖ് അഹ് മദ് ബിന് റാശിദിന് വിടചൊല്ലി ദുബൈ;മയ്യിത്ത് നമസ്കാരത്തില് വന് ജനാവലി
ഇന്ത്യയും പാകിസ്ഥാനും തമ്മിലുള്ള സംഘര്ഷം അവസാനിച്ചത് യു എസ് തീരുവ ഭീഷണിയെത്തുടര്ന്ന്; വീണ്ടും അവകാശവാദവുമായി ട്രംപ്
പണം വാങ്ങി ഭക്ഷണം എത്തിക്കാതെ വഞ്ചിച്ചു; കാറ്ററിംഗ് ഉടമ വിഷ്ണു മോഹനെതിരെ വീണ്ടും കേസ്
