Malappuram
ചങ്ങരംകുളത്ത് പത്തൊന്‍പതര ലക്ഷം രൂപയുടെ കുഴല്‍പ്പണ വേട്ട
എടപ്പാള്‍: ചങ്ങരംകുളത്ത് പത്തൊന്‍പതര ലക്ഷം രൂപയുടെ കുഴല്‍പ്പണം പിടികൂടി. നന്നംമുക്ക് കാഞ്ഞിയൂര്‍ സ്വദേശി നുറുക്കിലയില്‍ സുലൈമാന്‍ (56)ആണ് പിടിയിലായത്. കഴിഞ്ഞ ദിവസം ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ചങ്ങരംകുളം എസ് ഐ ശശിധരന്‍ മേലയിലും പെരുമ്പടപ്പ് സ്‌റ്റേഷനിലെ പ്രബേഷന്‍ എസ് ഐ. വി പ്രദീപ് കുമാര്‍ എന്നിവരുടെ നേതൃത്വത്തില്‍ പോലീസ് നടത്തിയ പരിശോധനയിലാണ് കുഴല്‍പ്പണം പിടികൂടിയത്. കുന്ദംകുളം സ്‌റ്റേഷന്‍ പരിധിയില്‍ വന്‍ തുക ബേങ്കില്‍ നിക്ഷേപിക്കാന്‍ ശ്രമിക്കുന്നതിനിടെ പിടികൂടിയ മൂന്ന് പേരില്‍ നിന്നും കള്ളനോട്ട് പിടിച്ചെടുത്തതുമായി ബന്ധപ്പെട്ട കേസില്‍ അറസ്റ്റിലായ സുലൈമാന്‍ ജാമ്യത്തിലായിരുന്നു. കുഴല്‍പണം വിതരണം ചെയ്യുന്നതിനിടയില്‍ നല്ല നോട്ടുകള്‍ക്കിടയില്‍ കള്ളനോട്ടുകള്‍ തിരുകി ഇയാള്‍ വിതരണം ചെയ്യാറുണ്ടെന്നും പോലീസ് അറിയിച്ചു. ഇയാളെ നാളെ കോടതിയില്‍ ഹാജരാക്കും. തുടര്‍ന്ന് എന്‍ഫോഴ്‌സ്‌മെന്റിന് കൈമാറും.
Latest
സംസ്ഥാനത്തെ ഏഴ് ആരോഗ്യ സ്ഥാപനങ്ങള്‍ക്ക് കൂടി ദേശീയ ഗുണനിലവാര അംഗീകാരം
സണ്ണി ജോസഫിന് മുന്നില്‍ സുധാകരന് മുദ്രാവാക്യം വിളികളുമായി പ്രവര്‍ത്തകര്‍
ബിഹാര്‍ വോട്ടര്‍ പട്ടിക പുതുക്കല്‍: 35 ലക്ഷം പേരെ വെട്ടും
നിമിഷപ്രിയയുടെ മോചനം: കാന്തപുരം ഉസ്താദിന്റെ ഇടപെടലില്‍ നിര്‍ണായക ചര്‍ച്ച
ഓണത്തിനു മുമ്പ് ഒരു ലക്ഷം വനിതകള്‍ക്ക് വേതനാധിഷ്ഠിത തൊഴില്‍: മന്ത്രി എം ബി രാജേഷ്
ഹന്ന ഫാത്വിമയുടെ മരണം പേവിഷബാധ കാരണമല്ല; സ്ഥിരീകരിച്ച് പരിശോധനാഫലം
