Kozhikode
പകര്‍ച്ച വ്യാധി: ആരോഗ്യ വകുപ്പ് പരിശോധന നടത്തി
കോഴിക്കോട്: പകര്‍ച്ചവ്യാധി നിയന്ത്രണ പ്രവര്‍ത്തനങ്ങളുടെ ഭാഗമായി ജില്ലാ ആരോഗ്യവകുപ്പിന്റെ നേതൃത്വത്തില്‍ കോഴിക്കോട് കോര്‍പറേഷന്‍ പ്രദേശത്തുള്ള മെഡിക്കല്‍ കോളജ്, പാളയം, ബീച്ച് എന്നിവിടങ്ങളിലെ ലബോറട്ടികളിലും, ഡെന്റല്‍ ക്ലിനിക്കുകളിലും പരിശോധന നടത്തി. സാംക്രമിക രോഗങ്ങള്‍ക്ക് കാരണമാകുന്ന സാഹചര്യത്തില്‍ പ്രവര്‍ത്തിച്ച രണ്ട് ലാബുകള്‍ ഇതേത്തുടര്‍ന്ന് അടച്ചുപൂട്ടി.
കാലാവധി കഴിഞ്ഞ റീ ഏജന്റുകള്‍, ടെസ്റ്റ്കിറ്റ്, സ്റ്റെയിന്‍സ് എന്നിവ പരിശോധനയില്‍ കണ്ടെത്തി. ലൈസന്‍സില്ലാതെയും ആവശ്യമായ മുന്‍കരുതലുകളില്ലാതെയും പ്രവര്‍ത്തിച്ച സ്ഥാപനങ്ങളും ബയോ മെഡിക്കല്‍ വേസ്റ്റ് സുരക്ഷിതമായി സംസ്‌കരിക്കുകയോ സൂചികള്‍ യഥാസമയം നശിപ്പിക്കുകയോ ചെയ്യാത്ത കേസുകളും പരിശോധനയില്‍ കണ്ടെത്തി. ലാബ് റീ ഏജന്റിന്റെ കൂടെ കീടനാശിനിയും കണ്ടെത്തി. കേന്ദ്രപുകയില വിരുദ്ധ നിയമത്തിന്റെ ഭാഗമായി പത്ത് സ്ഥാപനങ്ങളില്‍ നിന്ന് രണ്ടായിരം രൂപ പിഴ ഈടാക്കി. പൊതുജനാരോഗ്യത്തിന് ഹാനികരമായ രീതിയില്‍ പകര്‍ച്ചവ്യാധികള്‍ സൃഷ്ടിക്കുന്ന സ്ഥാപനങ്ങള്‍ക്കെതിരെ കര്‍ശന നിയമനടപടികളെടുക്കുമെന്ന് അഡീഷനല്‍ ഡി എം ഒ. ഡോ. എ സാബു അറിയിച്ചു.
ടെക്‌നിക്കല്‍ അസിസ്റ്റന്റുമാരായ പി സി രാധാകൃഷ്ണന്‍, നാരായണന്‍ ചെറള, ഹെല്‍ത്ത് സൂപ്പര്‍വൈസര്‍ ഷിബു ആദായി, ഹെല്‍ത്ത് ഇന്‍സ്‌പെക്ടര്‍ സി ടി ഗണേഷന്‍, ലാബ് ടെക്‌നീഷ്യന്‍ ശിവദാസന്‍, അരുണ്‍ലാല്‍, ബബിത ആശ പരിശോധനക്ക് നേതൃത്വം നല്‍കി.
Latest
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
