Gulf
ഇരുപതിലധികം മോഷണക്കേസുകളിലെ പ്രതികള്‍ പിടിയില്‍
ഷാര്‍ജ: രാജ്യത്തിന്റെ വിവിധ ഭാഗങ്ങളില്‍ വ്യാപാര സ്ഥാപനങ്ങളില്‍ മോഷണം നടത്തിയ കേസില്‍ പോലീസ് തിരയുന്ന മൂന്നംഗ സംഘം പിടിയിലായി. ഷാര്‍ജ പോലീസിലെ കുറ്റാന്വേഷണ വിഭാഗം ഉദ്യോഗസ്ഥരാണ് സംഘത്തെ വലയിലാക്കിയത്. സംഘാംഗങ്ങള്‍ മൂന്നുപേരും പാക്കിസ്ഥാന്‍ സ്വദേശികളാണ്.
ഖോര്‍ഫുകാനിലെ ഒരു ട്രാവല്‍ ഏജന്‍സി ഓഫീസ് കുത്തിത്തുറന്ന് മോഷണം നടന്നതായി പോലീസില്‍ ലഭിച്ച പരാതിയെ തുടര്‍ന്നാണ് അന്വേഷണമാരംഭിച്ചത്. ട്രാവല്‍ ഏജന്‍സി ഓഫീസിന്റെ വാതില്‍ തകര്‍ത്താണ് പ്രതികള്‍ അകത്തു കടന്നത്. സ്ഥലത്തെത്തിയ പോലീസ് പ്രത്യേക സംഘത്തെ നിശ്ചയിച്ച് നടത്തിയ അന്വേഷണത്തിനൊടുവിലാണ് പ്രതികളെ വലയിലാക്കിയത്.
ചോദ്യം ചെയ്യലില്‍ കുറ്റം സമ്മതിച്ച പ്രതികള്‍ ഇതേ മാതൃകയില്‍ രാജ്യത്തിന്റെ പലഭാഗത്തും വ്യാപാര സ്ഥാപനങ്ങളിലും ടൂറിസം ഓഫീസുകളിലും മോഷണം നടത്തിയതായും പോലീസിനോട് സമ്മതിച്ചു. ഷാര്‍ജയില്‍ മാത്രം പ്രതികള്‍ ഇത്തരത്തില്‍ 15 സ്ഥാപനങ്ങളില്‍ മോഷണം നടത്തിയതായി പോലീസ് പറഞ്ഞു. ദുബൈ, അജ്മാന്‍ എന്നിവിടങ്ങളിലായി ആറ് സ്ഥാപനങ്ങളില്‍ മോഷണം നടത്തിയിട്ടുണ്ട്. പ്രതികള്‍ക്കെതിരെ നേരത്തെ പലസ്ഥലങ്ങളിലും അറസ്റ്റ് വാറന്റ് നിലവിലുണ്ട്. മാത്രമല്ല, സംഘത്തിലൊരാള്‍ കുറ്റകൃത്യങ്ങളില്‍ പിടിക്കപ്പെട്ട് നാടുകടത്തപ്പെട്ടയാളാണ്. അനധികൃതമായി തിരിച്ചെത്തിയാണ് ഇയാള്‍ വീണ്ടും സമാനമായ കുറ്റകൃത്യങ്ങളില്‍ ഏര്‍പ്പെട്ടതെന്നും പോലീസ് അറിയിച്ചു. പ്രതികളെ കോടതിയില്‍ ഹാജരാക്കി.
Latest
എയര് ഇന്ത്യ എക്സ്പ്രസ് റദ്ദാക്കല്; യാത്ര മുടങ്ങിയവര്ക്ക് നഷ്ടപരിഹാരം ലഭ്യമാക്കണം: ഐ സി എഫ്
2020ലെ യു എസ്, 2024ലെ ഇന്ത്യ
ആശങ്കകളില്ലാതെ അവർ പ്ലസ് വണ്ണിലേക്ക് പ്രവേശിക്കട്ടെ
വെസ്റ്റ് നൈല് പനി ബാധിച്ച വയോധികന് മരിച്ചു
കാനഡയില് മലയാളി യുവതിയെ മരിച്ച നിലയില് കണ്ടെത്തി
എയര് ഇന്ത്യ വിമാനങ്ങള് റദ്ദാക്കി; തിരുവനന്തപുരത്ത് യാത്രക്കാരുടെ പ്രതിഷേധം
