Gulf
പ്രസിഡന്റ് കപ്പ് ഫാല്‍ക്കണ്‍ മത്സരം 15ന് തുടങ്ങും
അബുദാബി: പുതിയ സാങ്കേതിക വിദ്യയില്‍ അബുദാബി ഫാല്‍ക്കണേഴ്‌സ് ക്ലബ് സംഘടിപ്പിക്കുന്ന രണ്ടാമത് പ്രസിഡന്‍ഷ്യല്‍ കപ്പ് ഫാല്‍ക്കണ്‍ മത്സരം 15 മുതല്‍ 28 വരെ അബുദാബിയില്‍ നടക്കും. യു എ ഇയുടെ പാരമ്പര്യവും പൈതൃകവും സംരക്ഷിക്കുന്നതിനു വേണ്ടി സംഘടിപ്പിക്കുന്ന മത്സരത്തില്‍ ഒരു വയസ് പൂര്‍ത്തിയായ ഫാല്‍ക്കണുകള്‍ക്കാണ് പങ്കെടുക്കുവാന്‍ അവസരം.
അബുദാബി കിരീടാവകാശിയും യു എ ഇ സായുധസേനാ ഉപമേധാവിയുമായ ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്റെ സഹകരണത്തോടെ ശൈഖ് നഹ്‌യാന്‍ ബിന്‍ സായിദിന്റെ മേല്‍നോട്ടത്തിലാണ് മത്സരം സംഘടിപ്പിക്കുന്നത്. കഴിഞ്ഞ വര്‍ഷത്തില്‍ നിന്നും വ്യത്യസ്തമായി കൂടുതല്‍ പങ്കാളിത്തത്തോടെയാണ് ഈ വര്‍ഷം മത്സരം.
സഞ്ചാര ദൂരം അളക്കുന്നതിന് വേണ്ടി ഫാല്‍ക്കണുകളുടെ കാലുകളില്‍ പ്രത്യേക മോതിരം ഈ വര്‍ഷം ഘടിപ്പിക്കുന്നുണ്ട്. മത്സരങ്ങളില്‍ ജയിക്കുന്നവര്‍ക്ക് 25 ലക്ഷം ദിര്‍ഹമും 56 കാറുകളുമാണ് സമ്മാനം.
ഫാല്‍ക്കണുകളുടെ കാലില്‍ മോതിരം ഘടിപ്പിച്ചുള്ള സാങ്കേതിക വിദ്യ ഉപയോഗിച്ച് ദൂരം അളക്കുന്നത്ഇതാദ്യമാണ്. മൂന്ന് ഘട്ടങ്ങളിലാണ് മത്സരം നടക്കുക.
Latest
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
കാലിഫോര്‍ണിയയില്‍ ഇലക്ട്രിക് കാര്‍ മറിഞ്ഞ് തീപിടിച്ചു; നാലംഗ മലയാളി കുടുംബം മരിച്ചു
മലയിന്‍കീഴ് വോട്ടിങ് ബൂത്തില്‍ അരലക്ഷം രൂപ ഉപേക്ഷിച്ച നിലയില്‍
ഇന്ത്യ അടുത്തൊന്നും രക്ഷപ്പെടുന്ന ലക്ഷണമില്ല; ഏത് പാര്‍ട്ടി ജയിച്ചാലും നമുക്കെതിരാകും: ശ്രീനിവാസന്‍
വോട്ട് ചെയ്യാനെത്തിയ സ്ത്രീ തെരുവ് നായയുടെ കടിയേറ്റ് ആശുപത്രിയില്‍
