ഷൊര്‍ണൂര്‍- മംഗലാപുരം ലൈനില്‍ ട്രെയിനുകള്‍ക്ക് ഇന്നും നാളെയും നിയന്ത്രണം

Posted on: December 27, 2014 4:01 am | Last updated: December 28, 2014 at 12:01 am
SHARE

railwayതിരുവനന്തപുരം: ഷൊര്‍ണൂര്‍ മംഗലാപുരം ലൈനില്‍ മാഹി മുതല്‍ തലശ്ശേരി വരെയുള്ള റെയില്‍വേ മേല്‍ പാലങ്ങളിലെ സ്റ്റീല്‍ ഗ്രിഡുകള്‍ മാറ്റി സ്ഥാപിക്കുന്നതിന്റെ ഭാഗമായി ഈ റൂട്ടിലെ ട്രെയ്‌നുകള്‍ക്ക് ഇന്നും നാളെയും നിയന്ത്രണമേര്‍പ്പെടുത്തി. കോഴിക്കോട്- കണ്ണൂര്‍ പാസഞ്ചര്‍ ട്രെയ്ന്‍(56657) പൂര്‍ണമായും മറ്റ് ഏഴ് പാസഞ്ചര്‍ ട്രെയിനുകള്‍ ഭാഗികമായും റദ്ദു ചെയ്തു.
മംഗലാപുരം-തൃശൂര്‍(56654), തൃശൂര്‍- കണ്ണൂര്‍(56603), കണ്ണൂര്‍- ഷൊര്‍ണൂര്‍(56602), മംഗലാപുരം- കോയമ്പത്തൂര്‍(56324), കോയമ്പത്തൂര്‍- മംലാപുരം(56323), എറണാകുളം- കണ്ണൂര്‍(16305), കണ്ണൂര്‍- എറണാകുളം(16306) എന്നീ ട്രെയിനുകള്‍ കോഴിക്കോടിനും കണ്ണൂരിനുമിടക്കുള്ള സര്‍വീസ് റദ്ദാക്കി.
അഞ്ച് എക്‌സ്പ്രസ് ട്രെയിനുകള്‍ നിശ്ചിത സമയം മാഹിയില്‍ പിടിച്ചിടുന്നതിനാല്‍ അത്രയും സമയം വൈകി മാത്രമേ ട്രെയിനുകള്‍ ലക്ഷ്യസ്ഥാനത്ത് എത്തുകയുള്ളൂവെന്ന് റെയില്‍വേ അറിയിച്ചു. നാഗര്‍കോവില്‍- മംഗലാപുരം ഏറനാട് എക്‌സ്പ്രസ്(16606) 50 മിനിട്ടും നാഗര്‍കോവില്‍- മംഗലാപുരം പരശുറാം എക്‌സ്പ്രസ്(16650) 87 മിനിട്ടും, കൊച്ചു വേളി- ചണ്ഡീഗഢ് സമ്പര്‍ക് ക്രാന്തി എക്‌സ്പ്രസ്(12217) 35 മിനിട്ടും, കൊച്ചുവേളി- ലോകമാന്യതിലക്് ഗരീബ് രഥ് എക്‌സ്പ്രസ്(12202) 35 മിനിട്ടും, ചെന്നൈ എഗ്മൂര്‍- മംഗലാപുരം എക്‌സ്പ്രസ്(16859) 25 മിനിട്ടും മാഹിയില്‍ പിടിച്ചിടും. മംഗലാപുരം- കോയമ്പത്തൂര്‍ ഇന്റര്‍ സിറ്റി എക്‌സ്പ്രസ്(22609) 18 മിനിട്ട് തലശേരിയില്‍ പിടിച്ചിടും. കണ്ണൂര്‍- കോഴിക്കോട് പാസഞ്ചര്‍ (56652) 50 മിനിട്ട് വൈകി മാത്രമേ ഇന്നും നാളെയും യാത്ര പുറപ്പെടുകയുള്ളൂ എന്ന് ദക്ഷിണ റെയില്‍വേ അറിയിച്ചു.
രണ്ട് ദിവസങ്ങളിലും രാവിലെ 11 മുതല്‍ വൈകിട്ട് ആറ് മണിവരെയാണ് ലൈനില്‍ ഗ്രിഡര്‍ മാറ്റി സ്ഥാപിക്കല്‍ ജോലികള്‍ നടക്കുക.