Kozhikode
കൗണ്‍സിലര്‍ ഉള്‍പ്പെടെ 60 പേര്‍ക്കെതിരെ കേസ്
കോഴിക്കോട്: വാട്ടര്‍ അതോറിറ്റിയുടെ മതില്‍ പൊളിച്ചതായ പരാതിയില്‍ കൗണ്‍സിലര്‍ ഉള്‍പ്പെടെ 60 പേര്‍ക്കെതിരെ കേസ്.
കോട്ടൂളി വാര്‍ഡില്‍ നിന്നുള്ള സി പി എം കൗണ്‍സിലറായ കെ രവീന്ദ്രനും നാട്ടുകാര്‍ക്കുമെതിരെയാണ് ചേവായൂര്‍ പോലീസ് കേസെടുത്തത്. മലാപ്പറമ്പ് വാട്ടര്‍ അതോറിറ്റി എക്‌സിക്യൂട്ടീവ് എന്‍ജിനീയര്‍ ഓഫീസറുടെ പരാതിയിലാണ് കേസ്. പൊതുമുതല്‍ നശിപ്പിച്ചെന്നും പോലീസിന്റെ ഔദ്യോഗിക കൃത്യനിര്‍വഹണത്തിന് തടസം നിന്നുവെന്നും പരാതിയില്‍ പറയുന്നു.
കഴിഞ്ഞ തിങ്കളാഴ്ച നടന്ന വാട്ടര്‍ അതോറിറ്റി ഓഫീസ് മാര്‍ച്ചിനോടനുബന്ധിച്ചാണ് പോലീസ് നടപടിയുണ്ടായത്. കോട്ടൂളി പള്ളിമലക്കുന്നില്‍ കുടിവെള്ള ക്ഷാമം രൂക്ഷമായതിനെ തുടര്‍ന്ന് പ്രശ്‌നം പരിഹരിക്കണമെന്നാവശ്യപ്പെട്ട് മലാപ്പറമ്പ് വാട്ടര്‍ അതോറിറ്റി എക്‌സിക്യൂട്ടീവ് എന്‍ജിനീയറുടെ ഓഫീസിലേക്ക് സി പി എം പ്രാദേശിക നേതാക്കളുടെ നേതൃത്വത്തില്‍ മാര്‍ച്ച് നടത്തിയിരുന്നു. ബക്കറ്റും മറ്റ് പാത്രങ്ങളുമായിട്ടായിരുന്നു സ്ത്രീകള്‍ ഉള്‍പ്പെടെയുള്ളവര്‍ സമരത്തിനെത്തിയത്. എക്‌സിക്യൂട്ടീവ് എന്‍ജിനീയര്‍ എം ഹമീദിന്റെ ക്യാബിനിനകത്തേക്ക് ഇരച്ചുകയറി സമരക്കാര്‍ മുദ്രാവാക്യം വിളിച്ചു. ഏറെ നേരം കുത്തിയിരിപ്പു സമരം നടത്തുകയും ചെയ്തു. രണ്ടാഴ്ചക്കകം പ്രശ്‌നപരിഹാരമുണ്ടാക്കാമെന്ന ഉറപ്പിനെ തുടര്‍ന്നാണ് സമരക്കാര്‍ പരിഞ്ഞുപോയത്. സി പി എം കോട്ടൂളി വെസ്റ്റ് ബ്രാഞ്ചിന്റെ നേതൃത്വത്തിലായിരുന്നു മാര്‍ച്ച്. കൗണ്‍സിലറെ കൂടാതെ പള്ളിമലക്കുന്ന് ബ്രാഞ്ച് സെക്രട്ടറി സനല്‍കുമാര്‍, എം വി മണി,കെ വി പ്രമോദ്, പിങ്കി പ്രമോദ് എന്നിവരുടെ നേതൃത്വത്തിലായിരുന്നു മാര്‍ച്ച്.
Latest
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
