Science
ഈര്‍ച്ചപ്പൊടിയില്‍ നിന്ന് പെട്രോള്‍ ഉല്‍പാദിപ്പിക്കാമെന്ന് ഗവേഷകര്‍
ഈര്‍ച്ചപ്പൊടിയില്‍ നിന്ന് പെട്രോള്‍ ഉല്‍പാദിപ്പിക്കാമെന്ന് ഗവേഷകര്‍. ഈര്‍ച്ചപ്പൊടിയില്‍ നിന്ന് പെട്രോള്‍ ഉല്‍പാദിപ്പിക്കുന്നതിന് ആവശ്യമായ ഹൈഡ്രോകാര്‍ബണുകള്‍ ബെല്‍ജിയത്തിലെ കതോലിക് യൂണിവേഴ്‌സിറ്റി ല്യൂവനിലെ ഗവേഷകര്‍ വേര്‍തിരിച്ചെടുത്തു. ഒരു പുതിയ രാസപ്രക്രിയ ഉപയോഗിച്ചാണ് ഈര്‍ച്ചപ്പൊടിയിലടങ്ങിയ സെല്ലുലോസിലെ ഹൈഡ്രോകാര്‍ബണ്‍ ചെയിനുകളെ ഗവേഷകര്‍ വേര്‍തിരിച്ചത്. ഈ ഹൈഡ്രോകാര്‍ബണുകള്‍ ഉപയോഗിച്ച് ഗാസോലിനും പ്ലാസ്റ്റിക്കും ഉല്‍പാദിപ്പിക്കാനാവുമെന്നാണ് ഗവേഷകരുടെ കണ്ടെത്തല്‍.
“സസ്യങ്ങള്‍, പരുത്തി, പേപ്പറുകള്‍ തുടങ്ങിയവയിലെല്ലാം സെല്ലുലോസ് അടങ്ങിയിട്ടുണ്ട്. സെല്ലുലോസിലെ കാര്‍ബണ്‍ ചെയിനുകളെ ഉപയോഗപ്പെടുത്താനുള്ള ശ്രമമാണ് ഞങ്ങളുടേത്. ഗാസോലിനില്‍ കൂടുതല്‍ അളവില്‍ ഓക്‌സിജന്‍ ഉണ്ടാകുന്നത് അനുപേക്ഷണീയമല്ലാത്തത് കൊണ്ട് കാര്‍ബണുമായി രാസ ബന്ധനത്തില്‍ ഏര്‍പ്പെട്ടിരിക്കുന്ന ഓക്‌സിജന്‍ തന്‍മാത്രകളെ ഒഴിവാക്കേണ്ടതുണ്ട്”. ഗവേഷണത്തിന് നേതൃത്വം നല്‍കുന്ന പ്രൊഫസര്‍ ബെര്‍ട്ട് സെല്‍സ് പറയുന്നു. സെല്ലുലോസില്‍ നിന്ന് ഹൈഡ്രോകാര്‍ബണുകള്‍ വേര്‍തിരിച്ച് എടുക്കുന്നതിനാവശ്യമായ രാസപ്രക്രിയ കണ്ടെത്തിയത് ഗവേഷകനായ ബ്യൂ ഒപ് ഡി ബീക്ക് ആണ്.
ഹൈഡ്രോകാര്‍ബണ്‍ ചെയിനുകളുപയോഗിച്ച് പ്ലാസ്റ്റിക്, റബ്ബര്‍, നൈലോണ്‍ തുടങ്ങിയവ നിര്‍മ്മിക്കാനാവശ്യമായ എഥിലീന്‍,പ്രൊപ്പിലീന്‍, ബെന്‍സീന്‍ തുടങ്ങിയവയും നിര്‍മ്മിക്കാനാവും. എനര്‍ജി ആന്റ് എന്‍വിയോണ്‍മെന്റ് സയിന്‍സ് എന്ന ജേണലില്‍ പഠനം പ്രസിദ്ധീകരിച്ചിട്ടുണ്ട്.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
