Kerala
പട്ടിക്കൂട് വിവാദം: അടച്ച്പൂട്ടിയ സ്‌കൂള്‍ തുറക്കണമെന്ന ഹരജി തള്ളി
തിരുവനന്തപുരം: പട്ടിക്കൂട് വിവാദത്തെ തുടര്‍ന്ന് അടച്ചുപൂട്ടിയ തിരുവനന്തപുരത്തെ ജവഹര്‍ ഇംഗ്ലീഷ് മീഡിയം സ്‌കൂള്‍ തുറക്കണമെന്നാവശ്യപ്പെട്ടു സ്‌കൂള്‍ പ്രിന്‍സിപ്പല്‍ നല്‍കിയ അപ്പീല്‍ ഹൈക്കോടതി ഡിവിഷന്‍ ബെഞ്ച് തള്ളി. സ്‌കൂള്‍ തുറക്കരുതെന്ന സിംഗിള്‍ ബെഞ്ചിന്റെ വിധി ജസ്റ്റിസുമാരായ ആന്റണി ഡൊമിനിക്, അനില്‍ കെ നമ്പ്യാര്‍ എന്നിവരടങ്ങിയ ഡിവിഷന്‍ ബെഞ്ച് ശരിവച്ചു.
സ്‌കൂള്‍ തുറന്നത് സ്റ്റേ ചെയ്തതിനെതിരെ സ്‌കൂള്‍ മാനേജ്‌മെന്റ് നല്‍കിയ അപ്പീലില്‍ കഴിഞ്ഞ 31നാണ് സ്‌കൂള്‍ തുറക്കരുതെന്ന് ഹൈക്കോടതി സിംഗിള്‍ ബെഞ്ച് ഉത്തരവിട്ടത്. ഈ ഉത്തരവിനെതിരെയാണ് സ്‌കൂള്‍ പ്രിന്‍സിപ്പല്‍ ഡിവിഷന്‍ ബെഞ്ചിനെ സമീപിച്ചത്. ഡി പി ഐയുടെ ഉത്തരവില്‍ ഇടപെട്ട സര്‍ക്കാര്‍ നടപടി നിയമപരമല്ലെന്നും അടിസ്ഥാന സൗകര്യങ്ങള്‍ ഒരുക്കാതെ സ്‌കൂള്‍ തുറക്കാന്‍ അനുമതി നല്‍കാനാകില്ലെന്നും അന്ന് സിംഗിള്‍ ബെഞ്ച് വിലയിരുത്തിയിരുന്നു. ഡിവിഷന്‍ ബെഞ്ചും ഇതു ശരിവെക്കുകയായിരുന്നു.
Latest
ഹജ്ജ്: അനുമതിയില്ലാതെ പുണ്യസ്ഥലങ്ങളിലേക്ക് പ്രവേശിച്ചാല്‍ പതിനായിരം റിയാല്‍ പിഴയും നാടുകടത്തലും
മീഡിയ ശില്‍പശാല സംഘടിപ്പിച്ചു
മലേഷ്യന്‍ പ്രധാനമന്ത്രിയുമായി കൂടിക്കാഴ്ച നടത്തി ഗ്രാന്‍ഡ് മുഫ്തി
മന്‍ശഅ് ഹാദിയ ഇന്റര്‍വ്യൂ നാളെ കാലത്ത് 10 മണിക്ക്
ബിലീവേഴ്‌സ് ഈസ്റ്റേണ്‍ ചര്‍ച്ച് അധ്യക്ഷന്‍ കെ പി യോഹന്നാന്‍ അന്തരിച്ചു
ബൈക്ക് റോഡില്‍ വീണു കിടന്ന തെങ്ങിലിടിച്ച് യുവാവ് മരിച്ചു
