Malappuram
പണിമുടക്ക്; ബേങ്കുകള്‍ സ്തംഭിച്ചു
മലപ്പുറം: കാലാവധി അവസാനിച്ച സേവന-വേതന കരാര്‍ പുതുക്കണമെന്നാവശ്യപ്പെട്ട് ബേങ്ക് യൂനിയന്‍ ഐക്യവേദിയുടെ ആഭിമുഖ്യത്തില്‍ പത്ത് ലക്ഷത്തോളം ബേങ്ക് ജീവനക്കാരും ഓഫീസര്‍മാരും നടത്തിയ ദേശവ്യാപക സൂചനാ പണിമുടക്ക് ജില്ലയില്‍ പൂര്‍ണമായിരുന്നു. ഇത് ജില്ലയിലെ ബേങ്കിംഗ് മേഖലയെ ബാധിച്ചു.
മാനേജര്‍മാരും ഓഫീസര്‍മാരും പണിമുടക്കില്‍ പങ്കെടുത്തു. ഇതോടെ ബേങ്കുകള്‍ മിക്കതും അടഞ്ഞു കിടന്നു. സഹകരണ ബേങ്കുകളെയും സ്വകാര്യ ബേങ്കുകളെയും പണിമുടക്കില്‍ നിന്ന് ഒഴിവാക്കിയിരുന്നു. ജില്ലയിലെ 16 ക്ലിയറിംഗ് ഹൗസുകളും പ്രവര്‍ത്തിച്ചില്ല. പത്ത് കോടിയോളം രൂപയുടെ ചെക്കുകള്‍ കെട്ടിക്കിടന്നു. സമരമറിയാതെ ഇടപാടുകള്‍ക്കായി ബേങ്കുകളില്‍ എത്തിയവര്‍ നിരാശരായി മടങ്ങി. പണിമുടക്കിയ പ്രവര്‍ത്തകര്‍ നിലമ്പൂര്‍, പെരിന്തല്‍മണ്ണ, തിരൂര്‍, വളാഞ്ചേരി, എടപ്പാള്‍, പൊന്നാനി തുടങ്ങിയ കേന്ദ്രങ്ങളില്‍ പ്രകടനം നടത്തി.
മലപ്പുറത്ത് കോട്ടപ്പടി ടൗണില്‍ നടന്ന റാലിക്ക് യു എഫ് ബി യു കണ്‍വീനര്‍ ബി കെ പ്രദീപ്, സി എച്ച് അബ്ബാസലി, എന്‍ രാജേഷ്, എ അജയന്‍, കെ എ രവീന്ദ്രന്‍, പി അലി, കെ ഹംസ, ജി കണ്ണന്‍, എ അഹമ്മദ്, കെ ഗുരുവായൂരപ്പന്‍ തുടങ്ങിയവര്‍ നേതൃത്വം നല്‍കി.
Latest
സംസ്ഥാനത്ത് സ്വര്‍ണവില വീണ്ടും ഉയര്‍ന്നു
എന്റെ അമ്മ അവരുടെ താലിമാല രാജ്യത്തിനു വേണ്ടി ത്യജിച്ചു, മുത്തശ്ശി സ്വര്‍ണാഭരണങ്ങള്‍ സമര്‍പ്പിച്ചു; മോദിക്ക് പ്രിയങ്കയുടെ മറുപടി
റൊട്ടി തീർന്നതിനെച്ചൊല്ലി തർക്കം; സഹോദരിയുമായി വഴക്കിട്ട 22കാരനെ യുവാവ് കൊലപ്പെടുത്തി
മദ്യനയ അഴിമതിക്കേസ്; കെജ്‌രിവാളിന്റെ അപ്പിലീല്‍ ഇഡി ഇന്ന് സുപ്രീംകോടതിയില്‍ മറുപടി സത്യവാങ്മൂലം നല്‍കും
കരുവന്നൂര്‍ ബേങ്ക് തട്ടിപ്പ്; എം എം വര്‍ഗീസ് ഇന്നും ഇ ഡിക്കു മുമ്പില്‍ ഹാജരായേക്കില്ല
വയോധികയ്ക്ക് കുത്തിവെപ്പെടുത്ത കേസ്: പ്രതിയുടെ മൊഴിയില്‍ പരസ്പര വൈരുദ്ധ്യം, ചോദ്യം ചെയ്യല്‍ തുടരുന്നു
