Education
സര്‍ക്കാര്‍ മേഖലയില്‍ ആധുനിക സര്‍വേ കോഴ്‌സ്
തിരുവനന്തപുരം: സര്‍ക്കാര്‍ മേഖലയില്‍ അത്യാധുനിക സര്‍വേ കോഴ്‌സ് ഈ മാസം അഞ്ചു മുതല്‍ ആരംഭിക്കുമെന്ന് റവന്യൂമന്ത്രി അടൂര്‍ പ്രകാശ് പറഞ്ഞു. ആധുനിക സര്‍വേ ഉപകരണങ്ങളായ ഗ്ലോബല്‍ പൊസിഷനിംഗ് സിസ്റ്റം (ജി പി എസ്), ഇലക്‌ട്രോണിക് ടോട്ടല്‍ സ്റ്റേഷന്‍ (ഇ ടി എസ്) എന്നിവയിലും അനുബന്ധ സോഫ്റ്റ്‌വെയറിലും വിദഗ്ധ പരിശീലനം നല്‍കുന്ന കോഴ്‌സിന്റെ ആദ്യ ബാച്ചാണ് സര്‍വേയുംഭൂരേഖയും വകുപ്പിന് കീഴില്‍ പേരൂര്‍ക്കടയിലെ ഗവ. സര്‍വേ ഇന്‍സ്റ്റിറ്റിയൂട്ടില്‍ ഇപ്പോള്‍ ആരംഭിക്കുന്നതെന്ന് മന്ത്രി വാര്‍ത്താസമ്മേളനത്തില്‍ അറിയിച്ചു.
അടുത്ത ബാച്ച് ജനുവരി മാസത്തില്‍ തുടങ്ങും. കോഴ്‌സ് പാസാകുന്നവര്‍ക്ക് തൊഴില്‍ സാധ്യത ഉറപ്പുവരുത്തുന്നതിനായി സര്‍വേയര്‍ ബാങ്ക് എന്ന പുതിയ സംരംഭത്തിനും തുടക്കം കുറിക്കും.
പതിനയ്യായിരം രൂപയാണ് കോഴ്‌സ് ഫീസ്. എസ് എസ് എല്‍സിയും ഐ ടി ഐ സര്‍വേ ട്രേഡ്, ഡ്രാഫ്റ്റ്‌സ്മാന്‍ സിവില്‍, വി എച്ച് എസ് ഇ ചെയിന്‍ സര്‍വേ ഇവയില്‍ ഏതിലെങ്കിലും യോഗ്യതയുള്ളവര്‍ക്ക് അപേക്ഷിക്കാം. കോഴ്‌സ് കാലാവധി രണ്ടുമാസമാണ്. പ്രായപരിധി 35വയസ്സ്. കോഴ്‌സ് വിജയകരമായി പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റ് നല്‍കും.
Latest
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
കാലിഫോര്‍ണിയയില്‍ ഇലക്ട്രിക് കാര്‍ മറിഞ്ഞ് തീപിടിച്ചു; നാലംഗ മലയാളി കുടുംബം മരിച്ചു
മലയിന്‍കീഴ് വോട്ടിങ് ബൂത്തില്‍ അരലക്ഷം രൂപ ഉപേക്ഷിച്ച നിലയില്‍
ഇന്ത്യ അടുത്തൊന്നും രക്ഷപ്പെടുന്ന ലക്ഷണമില്ല; ഏത് പാര്‍ട്ടി ജയിച്ചാലും നമുക്കെതിരാകും: ശ്രീനിവാസന്‍
വോട്ട് ചെയ്യാനെത്തിയ സ്ത്രീ തെരുവ് നായയുടെ കടിയേറ്റ് ആശുപത്രിയില്‍
ദുബൈയില്‍ വാഹനാപകടത്തില്‍ തൊടുപുഴ സ്വദേശി മരിച്ചു
