Kozhikode
എസ് എഫ് ഐ പ്രവര്‍ത്തകര്‍ വിദ്യാഭ്യാസ മന്ത്രിയെ തടഞ്ഞു
കോഴിക്കോട്: വിദ്യാഭ്യാസമന്ത്രി മന്ത്രി പി കെ അബ്ദുര്‍റബ്ബിനെ തടയാനുള്ള എസ് എഫ് ഐ പ്രവര്‍ത്തകരുടെ ശ്രമം സംഘര്‍ഷത്തിനിടയാക്കി. മീഞ്ചന്ത ഗവ. ആര്‍ട്‌സ് ആന്‍ഡ് സയന്‍സ് കോളജില്‍ മഗാസിന്‍ പ്രകാശനത്തിനെത്തിയ അബ്ദുര്‍റബ്ബിനെ വിദ്യാഭ്യാസ മേഖലയിലെ പ്രശ്‌നങ്ങള്‍ പരിഹരിക്കണമെന്നാവശ്യപ്പെട്ട് എസ് എഫ് ഐ പ്രവര്‍ത്തകര്‍ തടയുകയായിരുന്നു. ഇന്നലെ രാവിലെ 11 നാണ് സംഭവം. മാഗസിന്‍ പ്രകാശനം കഴിഞ്ഞ് മടങ്ങുന്നതിനിടെ മന്ത്രിയുടെ കാറിന് മുന്നിലേക്ക് മുദ്രാവാക്യം വിളിയുമായി പ്രവര്‍ത്തകര്‍ ചാടിവീഴുകയായിരുന്നു.
സ്ഥലത്തുണ്ടായിരുന്ന പോലീസും എസ്‌കോര്‍ട്ട് പോലീസും ഇടപെട്ട് വിദ്യാര്‍ഥികളെ തടഞ്ഞ് മന്ത്രിക്ക് വഴിയൊരുക്കി.
പിന്മാറാന്‍ തയാറാകാതിരുന്ന വിദ്യാര്‍ഥികള്‍ക്ക് നേരെ പോലീസ് ലാത്തിവീശി. പോലീസ് ലാത്തിച്ചര്‍ജില്‍ അഞ്ച് പേര്‍ക്ക് പരുക്കേറ്റു. സംഭവത്തില്‍ 10 എസ് എഫ് ഐ പ്രവര്‍ത്തകരെ പന്നിയങ്കര പോലീസ് അറസ്റ്റ് ചെയ്ത് ജാമ്യത്തില്‍ വിട്ടു. എസ് എഫ് ഐ ആര്‍ട്‌സ് കോളജ് യൂനിറ്റ് സെക്രട്ടറി ഹണിലാല്‍, രഞ്ജു, ബ്രോളിന്‍ മൈക്കിള്‍, വൈശാഖ്, ബിനില്‍, അമല്‍ജിത്ത്, അജിത്ത്കുമാര്‍, ജിഷ്ണു, അക്ഷയ,് ഋത്വിക് ശ്രീധര്‍ എന്നിവര്‍ക്കെതിരെയാണ് അറസ്റ്റ് ചെയ്തത്.
Latest
വോട്ടര്‍മാര്‍ക്ക് നിസ്സംഗത; ബി ജെ പി ആശങ്കയില്‍
രാഹുല്‍ ഗാന്ധിക്കെതിരായ ഡി എന്‍ എ പരാമര്‍ശം; പി വി അന്‍വര്‍ എം എല്‍ എയ്‌ക്കെതിരെ കേസ്
1,20,826 വോട്ടര്‍മാര്‍ ബുത്തിലെത്തിയില്ലപത്തനംതിട്ടയില്‍ 10.89 ശതമാനം വോട്ട് കുറവ്
വിവാഹിതനാവാന്‍ നാട്ടിലേക്കു തിരിക്കാനിരുന്ന യുവാവ് ദുബൈയില്‍ ഹൃദയാഘാതം മൂലം മരിച്ചു
അവസാനം അത് സംഭവിച്ചു; വുകോമനോവിചുമായി വേര്‍പിരിഞ്ഞ് ബ്ലാസ്റ്റേഴ്‌സ്
കല്‍പ്പറ്റയില്‍ വാഹനാപകടം; യുവാവ് മരിച്ചു
