Kozhikode
എസ് വൈ എസ് 60 ാം വാര്‍ഷികം: നേതൃസംഗമം സമാപിച്ചു
കോഴിക്കോട്: സമസ്ത കേരള സുന്നി യുവജന സംഘത്തിന്റെ 60ാം വാര്‍ഷിക പ്രഖ്യാപന സമ്മേളനവുമായി ബന്ധപ്പെട്ട് സംഘടിപ്പിച്ച നേതൃസംഗമം സമാപിച്ചു. കഴിഞ്ഞ ആറ് പതിറ്റാണ്ടുകാലം കൈരളിയുടെ മത സാമൂഹിക വൈജ്ഞാനിക മേഖലകളില്‍ സ്വന്തമായ ഇടം അടയാളപ്പെടുത്തിയ ബഹുജന സംഘം അറുപത്തി ഒന്നാം പിറന്നാള്‍ ദിനമായ ഏപ്രില്‍ 24നാണ്് വാര്‍ഷിക പ്രഖ്യാപനം നടത്തുന്നത്. വയനാട് കല്‍പ്പറ്റയില്‍ വെച്ച് നടക്കുന്ന പ്രഖ്യാപന സമ്മേളനത്തിലെ പ്രതിനിധികള്‍ക്കുള്ള ഉപകരണങ്ങളും മറ്റും സംഗമത്തില്‍ വിതരണം ചെയ്തു. ഒരു വര്‍ഷം നീണ്ടു നില്‍ക്കുന്ന ജനകീയ കര്‍മ പദ്ധതികളുടെ കരട് ചര്‍ച്ച ചെയ്ത നേതൃസംഗമം സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എപി അബൂബക്കര്‍ മുസ്‌ലിയാര്‍ ഉദ്ഘാടനം ചെയ്തു. ക്ഷേമകാര്യ വൈസ് പ്രസിഡന്റ് കെ കെ അഹ്മദ് കുട്ടി മുസ്‌ലിയാര്‍ അധ്യക്ഷത വഹിച്ചു. ജില്ല, സോണ്‍ പ്രസിഡന്റ്, ജനറല്‍ സെക്രട്ടറിമാര്‍ പങ്കെടുത്ത സംഗമത്തില്‍ സംസ്ഥാന ജനറല്‍ സെക്രട്ടറി പേരോട് അബ്ദുര്‍റഹ്മാന്‍ സഖാഫി , വണ്ടൂര്‍ അബ്ദുര്‍റഹ്മാന്‍ ഫൈസി, കൂറ്റമ്പാറ അബ്ദുര്‍റഹ്മാന്‍ ദാരിമി, അബൂബക്കര്‍ സഖാഫി, മജീദ് കക്കാട് തുടങ്ങിയവര്‍ വിവിധ സെഷനുകള്‍ക്ക് നേതൃത്വം നല്‍കി.
Latest
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള് ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
സമസ്ത നൂറാം വാര്‍ഷികം; ഉന്നത മതകലാലയങ്ങളിലെ അധ്യാപകരുടെ സംഗമം നടത്തും
'ഉത്തരവാദിത്വം മനുഷ്യപ്പറ്റിന്റെ രാഷ്ട്രീയം' എസ് വൈ എസ് പ്ലാറ്റിയൂണ് അസംബ്ലികള്ക്ക് തുടക്കം
പച്ചത്തുരുത്തിലെ വമ്പുറ്റ പോര്
ഗോത്രക്കോട്ടയില് കുന്നോളം പ്രതീക്ഷ
