Wayanad
വനിതാ കമ്മീഷന്‍ അദാലത്ത്: 30 പരാതികള്‍ തീര്‍പ്പാക്കി
കല്‍പ്പറ്റ: കുടുംബ ബന്ധങ്ങള്‍ ശിഥിലമാവുകയും ദാമ്പത്യ പ്രശ്‌നങ്ങളും സ്ത്രീകളുടെ പ്രശ്‌നങ്ങളും വര്‍ദ്ധിക്കുന്ന സാഹചര്യത്തില്‍ ഹൈക്കോടതിയില്‍ കൂടുതല്‍ ജഡ്ജിമാരെ നിയമിക്കുന്നത് പരാതികള്‍ എളുപ്പം പരിഹരിക്കുന്നതിന് സഹായിക്കുമെന്ന് വനിതാകമ്മീഷന്‍ അധ്യക്ഷ കെ.സി.റോസക്കുട്ടി ടീച്ചര്‍ പറഞ്ഞു. ജില്ലാ പഞ്ചായത്ത് സമ്മേളന ഹാളില്‍ നടന്ന അദാലത്തിന് ശേഷം സംസാരിക്കുകയായിരുന്നു അവര്‍.
വനിതാ കമ്മീഷന്‍ അദ്ധ്യക്ഷയുടെയും ഡയറക്ടര്‍ ജേക്കബ് ജോബിന്റേയും നേതൃത്വത്തില്‍ നടത്തിയ അദാലത്തില്‍ 53 പരാതികള്‍ ലഭിച്ചു. 30 എണ്ണം തീര്‍പ്പാക്കി. ആറ് പരാതികളില്‍ പോലീസ് റിപ്പോര്‍ട്ട് ആവശ്യപ്പെട്ടു.
രണ്ട് കേസ് ജാഗ്രതാ സമിതിക്കും ഒന്ന് വനിതാ സെല്ലിനും കൈമാറി. ഇരുകക്ഷികളും ഹാജരാവാത്തതിനാല്‍ ഏഴ് കേസുകള്‍ മാറ്റിവെച്ചു. എട്ട് കേസുകള്‍ അടുത്ത അദാലത്തില്‍ പരിഗണിക്കും. ഭര്‍ത്താവ് ഉപേക്ഷിച്ചവര്‍, ഗാര്‍ഹിക പീഢനങ്ങളാല്‍ ബുദ്ധിമുട്ടുന്നവര്‍ എന്നിവരുടെ കേസുകളാണ് അദാലത്തില്‍ പരിഗണിച്ചവയില്‍ ഭൂരിഭാഗവും.
Latest
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
