Gulf
ഖസര്‍ അല്‍ ഹൊസന്‍: തുടക്കം ഉജ്വലം
അബുദാബി: പത്തു ദിവസത്തെ ഖസര്‍ അല്‍ ഹൊസന്‍ ഉത്സവത്തിനു തുടക്കമായി. അബുദാബി കിരീടാവകാശിയും യുഎഇ സായുധസേനാ ഡപ്യൂട്ടി സുപ്രീം കമാന്‍ഡറുമായ ജനറല്‍ ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്റെ നേതൃത്വത്തില്‍ അല്‍ മന്‍ഹാല്‍ പാലസില്‍ നിന്നാരംഭിച്ച സാംസ്‌കാരിക ഘോഷയാത്രയോടെയാണ് ഉത്സവം ആരംഭിച്ചത്.
യു എ ഇ രാഷ്ട്ര പ്രഖ്യാപനത്തിനു സാക്ഷ്യം വഹിച്ച അല്‍ മന്‍ഹാല്‍ പാലസിനു സമീപത്തു നിന്നു തുടങ്ങിയ ഘോഷയാത്രയില്‍ പാരമ്പരാഗത യൂണിഫോമിലുള്ള വിവിധ വിഭാഗം സുരക്ഷാ ഉദ്യോഗസ്ഥന്മാരുടെ മാര്‍ച്ച് പാസ്റ്റിനൊപ്പം ഭരണാധികാരികള്‍ അണിചേര്‍ന്നു. പഴയ എയര്‍പോര്‍ട്ട് റോഡിലൂടെ കാല്‍നടയായെത്തിയ ഘോഷയാത്ര അല്‍ നാസര്‍ സ്ട്രീറ്റിലൂടെ ഫെസ്റ്റിവല്‍ നഗരിയിലെത്തി. വിവിധ വേഷങ്ങളില്‍ അണിനിരന്ന പൈതൃക പോലീസ് സേനാംഗങ്ങളുടെയും നൂറുകണക്കിനു സ്വദേശി പൗരന്മാരുടെയും അകമ്പടിയോടെയായിരുന്നു ഘോഷയാത്ര.
അല്‍ ഹൊസന്‍ പാലസിന്റെ കവാടത്തിന് ഇരുഭാഗത്തുമായി അണിനിരന്ന സ്വദേശികള്‍ പൈതൃകനൃത്തത്തോടെയും താളമേളങ്ങളോടെയുമാണ് കിരീടാവകാശിയെയും വിശിഷ്ടാതിഥികളെയും സ്വീകരിച്ചത്. പെണ്‍കുട്ടികളുടെ മുടിയാട്ടവും തോക്കുകള്‍ കയ്യിലേന്തിയുള്ള സ്വദേശികളുടെ നൃത്തവും ആയിരങ്ങളെ ആകര്‍ഷിച്ചു.
ശൈഖ് മുഹമ്മദ് ബിന്‍ സായിദ് അല്‍ ഹൊസന്‍ കോട്ട സന്ദര്‍ശിച്ചശേഷം വിശിഷ്ടാതിഥികള്‍ക്കും വിഐപികള്‍ക്കും മാത്രമായി അവതരിപ്പിച്ച കവാലിയാ ചരിത്രപ്രദര്‍ശനവും നടന്നു. ഉപപ്രധാനമന്ത്രിയും യു എ ഇ ആഭ്യന്തരമന്ത്രിയുമായ ശൈഖ് സൈഫ് ബിന്‍ സായിദ് അല്‍ നഹ്‌യാന്‍, വിദേശകാര്യമന്ത്രി ശൈഖ് അബ്ദുല്ല ബിന്‍ സായിദ് അല്‍ നഹ്‌യാന്‍, സാംസ്‌കാരിക യുവജന-സാമൂഹിക-വികസന മന്ത്രി ശൈഖ് നഹ്‌യാന്‍ ബിന്‍ മുബാറക് അല്‍ നഹ്‌യാന്‍, ദേശീയ സുരക്ഷാ ഉപദേശകന്‍ ശൈഖ് ഹസ്സ ബിന്‍ സായിദ് അല്‍ നഹ്‌യാന്‍ എന്നിവരും ഉന്നത ഉദ്യോഗസ്ഥരുമുള്‍പ്പെടെ ഒട്ടേറെ പ്രമുഖരും ഒപ്പമുണ്ടായിരുന്നു. പൈതൃക മാര്‍ക്കറ്റുകളും സന്ദര്‍ശിച്ചു.
Latest
പ്രധാന മന്ത്രി നരേന്ദ്രമോദി മണിപ്പുരില്‍
ഇരട്ടത്തീരുവ: ഇന്ത്യക്കും അമേരിക്കകും ഇടയില്‍ ഭിന്നതക്കിടയാക്കിയെന്നു തുറന്നു സമ്മതിച്ച് ട്രംപ്
രാഹുല്‍ മാങ്കൂട്ടത്തിലിനെ പാര്‍ലിമെന്ററി പാര്‍ട്ടിയില്‍ നിന്നു പുറത്താക്കിയെന്ന് വി ഡി സതീശന്‍ സ്പീക്കര്‍ക്ക് കത്ത് നല്‍കി
നേപ്പാളില്‍ സുശീല കര്‍ക്കി ഇടക്കാല പ്രധാനമന്ത്രിയായി സത്യപ്രതിജ്ഞ ചെയ്തു
പ്രണയ നൈരാശ്യം; യുവതിയെ കുത്തിക്കൊന്ന ശേഷം യുവാവ് കിണറ്റില്‍ ചാടി മരിച്ചു
വയനാട്ടില്‍ ജീവനൊടുക്കിയ കോണ്‍ഗ്രസ് നേതാവ് ജോസ് നെല്ലേടത്തിന്റെ ആത്മഹത്യ കുറിപ്പ് കണ്ടെത്തി
