Gulf
അറബ് തിയേറ്റര്‍ ഫെസ്റ്റിവെലിന് ഷാര്‍ജ ആതിഥ്യമരുളും
ഷാര്‍ജ: തിയേറ്റര്‍ രംഗത്ത് മേഖല ആര്‍ജിച്ച പുത്തന്‍ അറിവുകള്‍ക്കും നവീന പരീക്ഷണങ്ങള്‍ക്കും വേദിയൊരുക്കുന്ന അറബ് തിയറ്റര്‍ ഫെസ്റ്റിവെലിന് ഷാര്‍ജയില്‍ ജനുവരി 10ന് തുടക്കമാവും. രാജ്യത്തിന്റെ സാംസ്‌കാരിക തലസ്ഥാനമായ ഷാര്‍ജയാണ് 16 വരെ നീണ്ടുനില്‍ക്കുന്ന ആറാമത് അറബ് തിയറ്റര്‍ ഫെസ്റ്റിവെലിന് ആതിഥ്യമരുളുക.
അറബ് തിയറ്റര്‍ അതോറിറ്റി(എ ടി എ)യുടെ ഷാര്‍ജയില്‍ ചേര്‍ന്ന ജനറല്‍ സെക്രട്ടേറിയറ്റിന് ശേഷം എ ടി എ സെക്രട്ടറി ജനറല്‍ ഇസ്മായീല്‍ അബ്ദുല്ലയും ഉപദേശകന്‍ ഡോ. യൂസുഫ് ഐദാബിയുമാണ് ഇക്കാര്യം വ്യക്തമാക്കിയത്.
ഈജിപ്ത്, ടുണീഷ്യ, ലബനോണ്‍, ജോര്‍ദ്ദാന്‍, ഖത്തര്‍ തുടങ്ങിയ രാജ്യങ്ങളാണ് മുമ്പ് ഫെസ്റ്റിവെലിന് ആതിഥ്യമരുളിയത്. സുപ്രിംകൗണ്‍സില്‍ അംഗവും ഷാര്‍ജ ഭരണാധികാരിയും എ ടി എ സുപ്രിം പ്രസിഡന്റുമായ ഡോ. ശൈഖ് സുല്‍ത്താന്‍ ബിന്‍ മുഹമ്മദ് അല്‍ ഖാസിമി അറബ് തിയറ്റര്‍ ഡേ സന്ദേശം നല്‍കും.
ഫെസ്റ്റിവെലിന്റെ തുടക്കത്തിലാവും ഡോ. ശൈഖ് സുല്‍ത്താന്‍ സന്ദേശം നല്‍കുക. ലോകമാകമാനം തിയറ്റര്‍ രംഗത്ത് പ്രവര്‍ത്തിക്കുന്നവര്‍ക്ക് മാര്‍ഗദര്‍ശനമായി സന്ദേശം മാറുമെന്നാണ് കരുതുന്നത്. ഷാര്‍ജ നിവാസികള്‍ക്കും കാഴ്ചക്കാരായി എത്തുന്നവര്‍ക്കും ഒരാഴ്ച നീളുന്ന ഫെസ്റ്റിവെല്‍ മറക്കാനാവാത്ത അനുഭവമായി മാറുമെന്നാണ് പ്രതീക്ഷിക്കുന്നത്.
Latest
രാഹുല്‍ ഗാന്ധിക്കെതിരായ ഡി എന്‍ എ പരാമര്‍ശം; പി വി അന്‍വര്‍ എം എല്‍ എയ്‌ക്കെതിരെ കേസ്
1,20,826 വോട്ടര്‍മാര്‍ ബുത്തിലെത്തിയില്ലപത്തനംതിട്ടയില്‍ 10.89 ശതമാനം വോട്ട് കുറവ്
വിവാഹിതനാവാന്‍ നാട്ടിലേക്കു തിരിക്കാനിരുന്ന യുവാവ് ദുബൈയില്‍ ഹൃദയാഘാതം മൂലം മരിച്ചു
അവസാനം അത് സംഭവിച്ചു; വുകോമനോവിചുമായി വേര്‍പിരിഞ്ഞ് ബ്ലാസ്റ്റേഴ്‌സ്
കല്‍പ്പറ്റയില്‍ വാഹനാപകടം; യുവാവ് മരിച്ചു
യുവാവിനെ തട്ടിക്കൊണ്ടുപോയി മര്‍ദിച്ച ശേഷം ഉപേക്ഷിച്ചു; മൂന്നുപേര്‍ പോലീസ് പിടിയില്‍
