Kasargod
ഇന്നവേഷന്‍ അവാര്‍ഡ് കലക്ടര്‍ ഏറ്റുവാങ്ങി
കാസര്‍കോട്: ഇ മണല്‍ പദ്ധതി കാര്യക്ഷമമായി നടപ്പിലാക്കിയതിന് മുഖ്യമന്ത്രിയുടെ ഇന്നവേഷന്‍ ഇന്‍ പബ്ലിക് പോളിസി അവാര്‍ഡ് കാസര്‍കോട് ജില്ലയ്ക്ക്. തിരുവനന്തപുരം ഐ എം ജിയിലെ പത്മത്തില്‍ നടന്ന ചടങ്ങില്‍ മുഖ്യമന്ത്രി ഉമ്മന്‍ചാണ്ടിയില്‍നിന്ന് ജില്ലാകലക്ടര്‍ പി എസ് മുഹമ്മദ് സഗീര്‍ അവാര്‍ഡ് സ്വീകരിച്ചു. അഞ്ച് ലക്ഷം രൂപയും പ്രശസ്തിപത്രവും ഫലകവും അടങ്ങുന്നതാണ് അവാര്‍ഡ്. എ ഡി എം. എച്ച് ദിനേശന്‍, ഫിനാന്‍സ് ഓഫീസര്‍ ഇ പി രാജ്‌മോഹന്‍, ജില്ലാ ഇന്‍ഫര്‍മാറ്റിക്‌സ് ഓഫീസര്‍ വി എസ് അനില്‍, മുന്‍ ജില്ലാ എന്‍ ഐ സി ഓഫീസര്‍ കെ പി പ്രദീഷ്, കലക്ടറേറ്റിലെ സീനിയര്‍ ക്ലര്‍ക്ക് ജി നാരായണന്‍ എന്നിവരെ ചടങ്ങില്‍ ആദരിച്ചു. കെ മുരളീധരന്‍ എം എല്‍ എ അധ്യക്ഷത വഹിച്ചു. കേരള സ്റ്റേറ്റ് ഇന്നവേഷന്‍ കൗണ്‍സില്‍ ചെയര്‍മാന്‍ ജോസ് സിറിയക് മുഖ്യപ്രഭാഷണം നടത്തി. ജൂറി അംഗവും ഹൈദ്രാബാദ് സെന്റര്‍ ഫോര്‍ ഇന്നവേഷന്‍ ഇന്‍ പബ്ലിക് സിസ്റ്റം ഡയറക്ടറുമായ ഡി ചക്രവാണി പ്രസംഗിച്ചു.
വി രാമചന്ദ്രന്‍ ചെയര്‍മാനായ ജൂറിയാണ് അവാര്‍ഡ് നിര്‍ണ്ണയിച്ചത്. മുഖ്യമന്ത്രിയുടെ ഇന്നവേഷന്‍ ഇന്‍ പബ്ലിക് പോളിസി അവാര്‍ഡിന് നിര്‍മ്മാണ്‍ അറ്റ് കാസര്‍കോട് എന്ന പേരില്‍കാര്യക്ഷമമായി നടപ്പാക്കിയ ഓണ്‍ലൈനായി പാസ് വിതരണം ചെയ്യുന്ന ഇ മണല്‍ പദ്ധതിയുടെ നടത്തിപ്പിനാണ് അവാര്‍ഡ്.
Latest
ഐടിഐ വിദ്യാര്‍ഥിനിയുടെ മോര്‍ഫ് ചെയ്ത നഗ്നചിത്രം കൈമാറി; അഞ്ച് വിദ്യാര്‍ഥികള്‍ അറസ്റ്റില്‍
ഇറാനില്‍ ഇസ്‌റാഈല്‍ മിസൈല്‍ ആക്രമണം; വ്യോമ ഗതാഗതം നിര്‍ത്തി
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
