Kerala
പോലീസ് അസോസിയേഷനില് ഭിന്നത രൂക്ഷം: പ്രസിഡന്റ് രാജിവെച്ചു
തിരുവനന്തപുരം: പോലീസ് ഓഫീസേഴ്സ് അസോസിയേഷനില് നിലനില്ക്കുന്ന ഭിന്നത മറനീക്കി പുറത്തുവരുന്നു. സംഘടനയുടെ സംസ്ഥാന പ്രസിഡന്റ് രാജിവെച്ചു. പത്തനംതിട്ട സ്പെഷ്യല് ബ്രാഞ്ച് സി ഐ എം അബ്ദുല് റഹ്മാനാണ് രാജിവെച്ചത്.
എ ആര് ക്യാമ്പുകളിലെയും ബറ്റാലിയനുകളിലെയും പോലീസുകാര് തമ്മിലുള്ള സീനിയോറിറ്റി തര്ക്കമാണ് രാജിക്കിടയാക്കിയത്. തര്ക്കത്തില് സംഘടനയിലെ ഒരു പക്ഷം വ്യത്യസ്ത നിലപാട് സ്വീകരിച്ചതില് പ്രതിഷേധിച്ചാണ് റഹീമിന്റെ രാജി.
അതിനിടെ, നിലവിലെ വൈസ് പ്രസിഡന്റ് എന് ഹരികുമാറിനെ പുതിയ പ്രസിഡന്റായി തിരഞ്ഞെടുത്തു.
---- facebook comment plugin here -----