Wayanad
ബ്രഹ്മഗിരി മലബാര്‍ മീറ്റ് മാംസ സംസ്‌കരണ ശാലയില്‍ ഉത്പാദനം തുടങ്ങി
കല്‍പ്പറ്റ: ബ്രഹ്മഗിരി മലബാര്‍ മീറ്റ് മാംസ സംസ്‌ക്കരണ ശാലയിലെ ആദ്യ ഉല്‍പ്പാദനം ഇന്നലെ ് നടന്നു. മലവയല്‍ ജുമാ മസ്ജിദിലെ ഖത്വീബ് അബ്ദുല്‍ ഖാദര്‍ ഫൈസിയാണ് പ്രഥമ ഉല്‍പ്പാദനം നിര്‍വഹിച്ചത്.
കേരള കാര്‍ഷിക സര്‍വ്വകലാശാല മുന്‍ വകുപ്പ് മേധാവി ഡോ. കെ.ജെ അബ്രാഹാം ആണ് മലബാര്‍ മീറ്റ് പദ്ധതി കണ്‍സള്‍ട്ടന്റ്. ഡോ. അബ്രാഹാമിന്റെ നേതൃത്വത്തില്‍ സെപ്തംബര്‍ 14 ന് ട്രയല്‍ റണ്‍ നടത്തിയാണ് പ്ലാന്റ് പ്രഥമ ഉല്‍പ്പാദനത്തിന് തയ്യാറാക്കിയത്. വിപണനത്തിനായി തയ്യാറാക്കിയ പോത്ത്, കോഴി, ആട്, മുയല്‍ എന്നിവയുടെ മാംസം പൂര്‍ണ്ണമായും വിറ്റഴിഞ്ഞു. 22 കോടി രൂപ മതിപ്പ് ചെലവില്‍ പണി പൂര്‍ത്തീകരിച്ച ഏഷ്യയിലെ ഏറ്റവും വലിയ ഈ വിവിധയിന മാംസ സംസ്‌ക്കരണ ശാല ഇതോടെ പ്രവര്‍ത്തന സജ്ജമായിരിക്കുകയാണ്. ഒക്‌ടോബര്‍ മാസം പകുതിയോടെ കമ്മീഷന്‍ നടത്താന്‍ കഴിയുമെന്ന വിവരം കേരള സര്‍ക്കാരിനെ അറിയിച്ചിട്ടുണ്ട്. മൃഗ സംരക്ഷണ വകുപ്പുമായി കൂടിയാലോചിച്ച് കമ്മീഷന്‍ തീയ്യതി നിശ്ചയിക്കും.
കേന്ദ്ര കേരള സര്‍ക്കാരുകള്‍, നബാര്‍ഡ്, കുടുബശ്രീ, ക്ഷീരസഹകരണ സംഘങ്ങള്‍, കര്‍ഷക തൊഴിലാളികള്‍, അഭ്യുദയകാംക്ഷികള്‍ എന്നിവരുടെ സാമ്പത്തിക സഹായത്തോടെയാണ് നിര്‍മ്മാണ പ്രവര്‍ത്തനം പൂര്‍ത്തീകരിച്ചത്.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
