Wayanad
ഊട്ടി നഗരസഭ വൈദ്യുതി ബോര്‍ഡിലേക്ക് അടക്കാനുള്ളത് ഒരു കോടി
ഗൂഡല്ലൂര്‍: ഊട്ടി നഗരസഭ വൈദ്യുതി ബോര്‍ഡിലേക്ക് അടക്കാനുള്ളത് ഒരു കോടി രൂപ. പ്രസ്തുത തുക ഉടന്‍ അടച്ചിട്ടില്ലെങ്കില്‍ നഗരസഭയുടെ വൈദ്യുതി കണക്ഷന്‍ റദ്ദാക്കുമെന്ന് വൈദ്യുതി ബോര്‍ഡ് മുന്നറിയിപ്പ് നല്‍കിയിട്ടുണ്ട്. നഗരസഭയില്‍ 36 വാര്‍ഡുകളാണുള്ളത്.
ഒരു ലക്ഷം ജനങ്ങളാണ് നഗരസഭയില്‍ അതിവസിക്കുന്നത്. മാസാമാസം നഗരസഭ 65 ലക്ഷം രൂപയാണ് വൈദ്യുതി ബോര്‍ഡിലേക്ക് അടക്കേണ്ടത്. എന്നാല്‍ 20 വര്‍ഷമായി കുറച്ച് പണം മാത്രമാണ് അടക്കുന്നത്. ഇത്കാരണമാണ് വലിയ സംഖ്യ അടക്കേണ്ടതായി വന്നത്. ഞെട്ടിക്കുന്ന വിവരം ഇന്നലെ നടന്ന നഗരസഭാ ബോര്‍ഡ് യോഗത്തില്‍ ചെയര്‍പേഴ്‌സണ്‍ സത്യഭാമ കൗണ്‍സിലര്‍മാരെ അറിയിക്കുകയായിരുന്നു.
വാര്‍ഡുകളില്‍ അടിസ്ഥാന പ്രശ്‌നങ്ങള്‍ പരിഹരിക്കുന്നില്ലെന്ന് ആരോപിച്ച് യോഗം ആരംഭിച്ചയുടന്‍ കൗണ്‍സിലര്‍മാര്‍ രംഗത്തെത്തിയതോടെയാണ് ചെയര്‍പേഴ്‌സണ്‍ ഈ വിവരം അറിയിച്ചത്. അടിസ്ഥാന സൗകര്യങ്ങള്‍ ഏര്‍പ്പെടുത്തുന്നതിന് അല്‍പം സാവകാശം വേണമെന്നും വൈദ്യുതി ബോര്‍ഡിലേക്ക് അടക്കേണ്ട പണം ഉടനെ അടച്ചിട്ടില്ലെങ്കില്‍ വൈദ്യുതി കണക്ഷന്‍ റദ്ദാക്കുമെന്നും ചെയര്‍പേഴ്‌സണ്‍ പറഞ്ഞു.
ലോക പ്രശസ്ത വിനോദസഞ്ചാര കേന്ദ്രമായ ഊട്ടി നഗരത്തില്‍ വൈദ്യുതി റദ്ദാക്കിയാല്‍ അത് വലിയ പ്രതിസന്ധിയാകും.
Latest
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
കാലിഫോര്‍ണിയയില്‍ ഇലക്ട്രിക് കാര്‍ മറിഞ്ഞ് തീപിടിച്ചു; നാലംഗ മലയാളി കുടുംബം മരിച്ചു
മലയിന്‍കീഴ് വോട്ടിങ് ബൂത്തില്‍ അരലക്ഷം രൂപ ഉപേക്ഷിച്ച നിലയില്‍
ഇന്ത്യ അടുത്തൊന്നും രക്ഷപ്പെടുന്ന ലക്ഷണമില്ല; ഏത് പാര്‍ട്ടി ജയിച്ചാലും നമുക്കെതിരാകും: ശ്രീനിവാസന്‍
വോട്ട് ചെയ്യാനെത്തിയ സ്ത്രീ തെരുവ് നായയുടെ കടിയേറ്റ് ആശുപത്രിയില്‍
