National
മഅ്ദനിയുടെ ജാമ്യാപേക്ഷ ജൂലൈ 22ലേക്ക് മാറ്റി
ബംഗളൂരു: ബംഗളൂരു സ്‌ഫോടനക്കേസില്‍ തടവില്‍ കഴിയുന്ന പി ഡി പി ചെയര്‍മാന്‍ അബ്ദുന്നാസിര്‍ മഅ്ദനിയുടെ ജാമ്യാപേക്ഷ ഈ മാസം 22ലേക്ക് മാറ്റി. ചികിത്സാ ആവശ്യാര്‍ഥം ജാമ്യം നല്‍കണമെന്നാവശ്യപ്പെട്ട് നല്‍കിയ ഹരജിയില്‍ സര്‍ക്കാര്‍ നിലപാട് അറിയിക്കാന്‍ ഒരാഴ്ച സമയം അനുവദിച്ചു. ഹരജി പരിഗണിച്ച ജസ്റ്റിസ് എച്ച് എന്‍ നാഗമോഹന്‍ ദാസ്, പബ്ലിക് പ്രോസിക്യൂട്ടര്‍ എസ് ദൊരെരാജുവിനോട് നിലപാട് ആരാഞ്ഞു. ഇക്കാര്യത്തില്‍ സര്‍ക്കാര്‍ ഭാഗം വിശദീകരിക്കാന്‍ സമയം വേണമെന്ന ദൊരെരാജുവിന്റെ ആവശ്യം കോടതി അംഗീകരിക്കുകയായിരുന്നു. ഹരജി 22ന് വീണ്ടും പരിഗണിക്കും. മഅ്ദനിക്കുവേണ്ടി അഡ്വ. പി ഉസ്മാന്‍ ഹാജരായി.
ബംഗളൂരു സ്‌ഫോടന പരമ്പരക്കേസില്‍ ജയിലില്‍ കഴിയുന്ന അബ്ദുന്നാസിര്‍ മഅ്ദനി തനിക്കെതിരായ ഒമ്പത് കേസുകളിലും ജാമ്യം അനുവദിക്കണമെന്നാവശ്യപ്പെട്ടാണ് ഹരജി സമര്‍പ്പിച്ചത്. വിവിധ രോഗങ്ങളാല്‍ ബുദ്ധിമുട്ടുന്ന തനിക്ക് സുപ്രീം കോടതി വരെ നിര്‍ദേശിച്ചിട്ടും മതിയായ ചികിത്സ ലഭിക്കുന്നില്ലെന്നും ഹരജിയില്‍ ബോധിപ്പിച്ചു. തുടര്‍ചികിത്സ വേണമെന്ന മെഡിക്കല്‍ റിപ്പോര്‍ട്ടും ഹരജിക്കൊപ്പം സമര്‍പ്പിച്ചിട്ടുണ്ട്.
Latest
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
