Kerala
റേഷന്‍കട തൊഴിലാളികളുടെ കയറ്റിറക്ക് കൂലി; 15 ശതമാനം വര്‍ധന
പുതുക്കിയ കൂലി ഇന്ന്‌ മുതല്‍ പ്രാബല്യത്തിലായതായി ലേബര്‍ കമ്മീഷണര്‍ അറിയിച്ചു.
തിരുവനന്തപുരം | സംസ്ഥാനത്തെ എന്‍ എഫ് എസ് എ ഗോഡൗണുകളിലും റേഷന്‍ കടകളിലും കയറ്റിറക്ക് തൊഴിലാളികളുടെ നിലവിലെ കൂലിയില്‍ 15 ശതമാനം വര്‍ധന നല്‍കുന്നതിന് തീരുമാനമായി. നിലവിലുണ്ടായിരുന്ന കൂലി നിരക്ക് കരാര്‍ കഴിഞ്ഞ ഫെബ്രുവരിയില്‍ അവസാനിച്ച സാഹചര്യത്തില്‍ ലേബര്‍ കമ്മീഷണര്‍ ഡോ കെ വാസുകിയുടെ അധ്യക്ഷതയില്‍ കമ്മീഷണറേറ്റില്‍ വിളിച്ചു ചേര്‍ത്ത തൊഴിലാളി യൂനിയന്‍ പ്രതിനിധികളുടെയും കരാറുകാരുടെയും യോഗത്തിലാണ് തീരുമാനം.
പുതുക്കിയ കൂലി ഇന്ന്‌ മുതല്‍ പ്രാബല്യത്തിലായതായി ലേബര്‍ കമ്മീഷണര്‍ അറിയിച്ചു.
ചര്‍ച്ചയില്‍ അഡീഷണല്‍ ലേബര്‍ കമ്മീഷണര്‍ കെ ശ്രീലാല്‍, എന്‍ എഫ് എസ് എ മാനേജര്‍ ഇന്‍ ചാര്‍ജ് ടി ജെ ആശ, റേഷനിങ് കണ്‍ട്രോളര്‍ കെ മനോജ് കുമാര്‍, തൊഴിലാളി സംഘടനാ പ്രതിനിധികളായ ആര്‍ രാമു, എന്‍ സുന്ദരന്‍ പിള്ള, സി കെ മണിശങ്കര്‍ (സി ഐ ടി യു), പി എസ് നായിഡു, കെ വേലു (എ ഐ ടി യു സി), വി ആര്‍ പ്രതാപന്‍ (ഐ എന്‍ ടി യു സി), കെ സദാശിവന്‍ പിള്ള ( ബി എം എസ്), അബ്ദുല്‍ മജീദ് വല്ലച്ചിറ (എസ് ടി യു), കരാറുകാരുടെ പ്രതിനിധികളായ ഫഹദ് ബിന്‍ ഇസ്മായില്‍, ടോമി മാത്യു, മുഹമ്മദ് റഫീഖ് പങ്കെടുത്തു.
Latest
നരേന്ദ്ര ധബോല്‍ക്കര്‍ വധക്കേസ്; രണ്ട് പ്രതികള്‍ക്ക് ജീവപര്യന്തം ശിക്ഷ, മൂന്ന് പേരെ വെറുതെ വിട്ടു
സിഐടിയു തൊഴിലാളികള്‍ക്കെതിരെ നടപടി; ബിപിസിഎല്ലിലെ ഡ്രൈവര്‍മാരുടെ പണിമുടക്ക് പിന്‍വലിച്ചു
ജെസ്‌ന തിരോധാനക്കേസ്; തുടരന്വേഷണത്തിന് കോടതി ഉത്തരവ്
മലപ്പുറത്ത് യുവാവ് മഞ്ഞപ്പിത്തം ബാധിച്ച് മരിച്ചു
ബാലാവകാശ കമ്മിഷന്‍ വിവാഹം വിലക്കി; പതിനാറുകാരിയെ കഴുത്തറുത്ത് കൊലപ്പെടുത്തി 32കാരന്‍
വിറാസ് ഗേള്‍സ് രണ്ടാംഘട്ട ഇന്റര്‍വ്യൂ നാളെ
