Kerala
ഐ എ എസ് ഉദ്യോഗസ്ഥരുടെ സ്ഥലം മാറ്റം; സര്ക്കാരിന് കനത്ത തിരിച്ചടി നല്കി സി എ ടി ഉത്തരവ്
എക്സൈസ് കമ്മീഷണര് സ്ഥാനം ഐ എ എസ് കേഡര് തസ്തികയാണ്. അവിടെ ഐ എ എസ് ഉദ്യോഗസ്ഥരെ മാത്രമേ നിയമിക്കാവൂ. ഇതോടെ, എം ആര് അജിത് കുമാറിനെ എക്സൈസ് കമ്മീഷണര് സ്ഥാനത്തുനിന്ന് നീക്കം ചെയ്യേണ്ടി വരും.
കൊച്ചി | ഐ എ എസ് ഉദ്യോഗസ്ഥരുടെ സ്ഥലം മാറ്റ നടപടികളില് സംസ്ഥാന സര്ക്കാരിന് കനത്ത തിരിച്ചടിയായി സെന്ട്രല് അഡ്മിനിസ്ട്രേറ്റീവ് ട്രൈബ്യൂണലിന്റെ (സി എ ടി) ഇടപെടല്. 2014 ലെ കേഡര് നിയമങ്ങള് കര്ശനമായി പാലിക്കണമെന്ന് ട്രൈബ്യൂണല് ഉത്തരവിട്ടു. ബി അശോക് കുമാറിനെ മാറ്റിയതുള്പ്പെടെയുള്ള മൂന്ന് സ്ഥലംമാറ്റ ഉത്തരവുകള് കോടതി റദ്ദാക്കി. ഐ എ എസ് ഉദ്യോഗസ്ഥരുടെ തസ്തികകളില് കേഡര് ഇതര ഉദ്യോഗസ്ഥരെ നിയമിക്കുന്നത് നിയമവിരുദ്ധമാണെന്ന് സി എ ടി വ്യക്തമാക്കി. ഐ എ എസ് ഓഫീസേഴ്സ് അസോസിയേഷന് നല്കിയ ഹരജിയിലാണ് ഇടപെടല്.
എക്സൈസ് കമ്മീഷണര് സ്ഥാനം ഐ എ എസ് കേഡര് തസ്തികയാണെന്നും അവിടെ ഐ എ എസ് ഉദ്യോഗസ്ഥരെ മാത്രമേ നിയമിക്കാവൂ എന്നും ട്രൈബ്യൂണല് നിരീക്ഷിച്ചു. ഇതോടെ, എം ആര് അജിത് കുമാറിനെ എക്സൈസ് കമ്മീഷണര് സ്ഥാനത്തുനിന്ന് നീക്കം ചെയ്യേണ്ടി വരും. കില, ഐ എം ജി ഡയറക്ടര് സ്ഥാനങ്ങളും ഐ എ എസ് കേഡര് തസ്തികകളാണെന്നും സി എ ടി ഉത്തരവില് വ്യക്തമാക്കി.
ഐ എ എസ് ഉദ്യോഗസ്ഥരുടെ സേവന വ്യവസ്ഥകളിലും സ്ഥലംമാറ്റങ്ങളിലും രാഷ്ട്രീയ താത്പര്യങ്ങളുണ്ടാവുന്നത് തടയുന്നതിനാണ് ഈ ഉത്തരവെന്ന് സി എ ടി പറഞ്ഞു. കേഡര് നിയമങ്ങള് ലംഘിച്ചുള്ള നിയമനങ്ങള് സര്ക്കാരിന്റെ അധികാരപരിധിക്ക് പുറത്താണെന്നും ട്രൈബ്യൂണല് ഓര്മിപ്പിച്ചു.
Latest
ഇറാനിയന് കപ്പലിന് കൊച്ചി തീരത്ത് തങ്ങാന് അനുമതി
ഇസ്റാഈല് കൊന്ന ഖംനഈയുടെ എക്സ് അക്കൗണ്ട് ആക്ടീവായി; താക്കീതുമായി ആദ്യ പോസ്റ്റ്
കെ പി സി സി പ്രസിഡന്റ് സണ്ണി ജോസഫിന്റെ സഹോദരന് ബി ജെ പി വേദിയില്
സ്വകാര്യ ആശുപത്രി ജീവനക്കാരുടെ ശമ്പളം പരിഷ്കരിക്കും; കരട് വിജ്ഞാപനം ഉടന്
ഒരുമയുടെ സന്ദേശവുമായി ഗ്രാന്ഡ് ഇഫ്താര്
പ്രായപൂര്ത്തിയാകുന്നതിനു മുമ്പ് ട്രംപ് തന്നെ ലൈംഗിക പീഡനത്തിനിരയാക്കിയതായി സ്ത്രീയുടെ വെളിപ്പെടുത്തല് പുറത്ത്
