Kerala
പെട്രോള് പമ്പിലെത്തി തീകൊളുത്തിയ യുവാവ് മരിച്ചു
ഇരിങ്ങാലക്കുട മെറിന ആശുപത്രിക്കു സമീപത്തെ പെട്രോള് പമ്പില് ശനിയാഴ്ച രാത്രി എട്ടുമണിയോടെയായിരുന്നു സംഭവം
തൃശൂര് | പെട്രോള് പമ്പില് എത്തി ദേഹത്ത് പെട്രോള് ഒഴിച്ച് തീകൊളുത്തിയ യുവാവ് മരിച്ചു. കാട്ടുങ്ങച്ചിറ സ്വദേശി ഷാനവാസ് (43) ആണ് മരിച്ചത്. തൃശൂര് മെഡിക്കല് കോളജില് ചികിത്സയിലിരിക്കെയാണ് മരണം.
ഇരിങ്ങാലക്കുട മെറിന ആശുപത്രിക്കു സമീപത്തെ പെട്രോള് പമ്പില് ശനിയാഴ്ച രാത്രി എട്ടുമണിയോടെയായിരുന്നു സംഭവം.സ്കൂട്ടറിലെത്തിയ ഷാനവാസ് കുപ്പിയില് പെട്രോള് ആവശ്യപ്പെട്ടെങ്കിലും ജീവനക്കാര് നല്കിയില്ല. കാന് കൊണ്ടുവന്നാല് പെട്രോള് നല്കാമെന്നു പറഞ്ഞ് തൊട്ടടുത്ത വണ്ടിയില് പെട്രോള് അടിക്കാന് ജീവനക്കാരന് മാറിയ സമയം പെട്രോള് എടുത്ത് തലയിലൂടെ ഒഴിച്ച് തീ കൊളുത്തുകയായിരുന്നു.തീ ആളിപ്പടര്ന്ന ഉടന്തന്നെ ജീവനക്കാര് പമ്പിലെ അഗ്നിശമന ഉപകരണം ഉപയോഗിച്ച് അണച്ചു. പൊള്ളലേറ്റ ഷാനവാസിനെ തൃശൂരിലെ ആശുപത്രിയില് പ്രവേശിപ്പിച്ചുവെങ്കിലും ഇന്ന് മരണം സംഭവിച്ചു
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. അത്തരം ചിന്തകളുളളപ്പോള് ‘ദിശ’ ഹെല്പ് ലൈനില് വിളിക്കുക. Toll free helpline number: 1056, 0471-2552056)