Kerala
പോക്‌സോ കേസിലെ ഇര പ്രതിക്കൊപ്പം ഒളിച്ചോടി
നിലവിൽ പ്രായപൂർത്തി ആയതിനാൽ പെൺകുട്ടിയെ യുവാവിനൊപ്പം കോടതി വിട്ടു
പത്തനംതിട്ട | ജാമ്യത്തിലിറങ്ങിയ പ്രതിക്കൊപ്പം പോക്‌സോ കേസിലെ ഇര ഒളിച്ചോടി. പോലീസ് തിരോധാന കേസ് എടുത്ത് കോടതിയില്‍ ഹാജരാക്കിയെങ്കിലും നിലവില്‍ പ്രായപൂര്‍ത്തി ആയതിനാല്‍ സ്വന്തം ഇഷ്ടപ്രകാരം വിട്ടയച്ചു. പത്തനംതിട്ട ജുഡീഷ്യൽ ഫസ്റ്റ് ക്ലാസ് കോടതി 2 ജഡ്ജി സന്തോഷ് ദാസ് ആണ് ഇത് സംബന്ധിച്ച ഉത്തരവ് നൽകിയത്.
കഴിഞ്ഞ നവംബര്‍ 10 ന് പത്തനംതിട്ട വനിതാ സ്‌റ്റേഷനില്‍ രജിസ്റ്റര്‍ ചെയ്ത കേസിലെ പ്രതിയായ ഇലവുംതിട്ട അയത്തില്‍ മംഗലശ്ശേരില്‍ വീട്ടില്‍ അരവിന്ദിനൊ (37)പ്പമാണ് ഇര പോയത്. പത്താം ക്ലാസ്സില്‍ പഠിക്കുന്ന കാലം മുതല്‍ കഴിഞ്ഞ വര്‍ഷം ഫെബ്രുവരി അവസാനം വരെ പെണ്‍കുട്ടിയെ ലൈംഗികമായി പീഡിപ്പിച്ചെന്ന പരാതിയിലായിരുന്നു അരവിന്ദ് അറസ്റ്റിലായത്.
പെണ്‍കുട്ടിയുടെ വീട്ടില്‍ അതിക്രമിച്ച് കയറി പീഡിപ്പിക്കുകയും പുറത്തുപറഞ്ഞാല്‍ കൊല്ലുമെന്ന് ഭീഷണിപ്പെടുത്തുകയും ചെയ്തെന്നും തുടര്‍ന്നും നിരന്തരമായി പീഡിപ്പിച്ചെന്നുമുള്ള പരാതിയിലാണ് വനിതാ പോലീസ് സ്‌റ്റേഷന്‍ ഇന്‍സ്‌പെക്ടര്‍ എ ആര്‍ ലീലാമ്മ
യുവാവിനെ അറസ്റ്റ് ചെയ്തത്.
ടിപ്പര്‍ ഡ്രൈവറായ പ്രതിക്ക് ഭാര്യയും കുട്ടിയുമുണ്ട്. ഭാര്യയുമായി കുടുംബപ്രശ്‌നങ്ങള്‍ നില നില്‍ക്കുന്നതിനിടെയാണ് പോക്‌സോ കേസില്‍ അറസ്റ്റിലായത്. റിമാന്‍ഡിലായിരുന്ന അരവിന്ദ് ഒരാഴ്ച മുമ്പാണ് പുറത്തിറങ്ങിയത്. ഇതിനു പിന്നാലെ അരവിന്ദ് പെണ്‍കുട്ടിയുമായി ഒളിച്ചോടുകയായിരുന്നു.
പെണ്‍കുട്ടിയുടെ മാതാവിൻ്റെ പരാതി പ്രകാരം തിരോധാനക്കേസ് ഇലവുംതിട്ട പോലീസ് രജിസ്റ്റര്‍ ചെയ്തു. പിന്നാലെ സ്‌റ്റേഷനില്‍ ഹാജരായ പെണ്‍കുട്ടിയെ കോടതിയില്‍ ഹാജരാക്കിയപ്പോള്‍ അരവിന്ദിനൊപ്പം പോകാനാണ് ഇഷ്ടമെന്ന് പറയുകയും വിട്ടയയ്ക്കുകയുമായിരുന്നു. നിലവില്‍ പെണ്‍കുട്ടിക്ക് പ്രായപൂര്‍ത്തിയായിട്ടുണ്ട്.
Latest
ആയാറാം ഗയാറാം
എ എ പി വിട്ട ഡല്ഹി മുന് മന്ത്രി ബി എസ് പിയില്
വോട്ട് ഷൂട്ട്
തിരിച്ചുപിടിക്കാൻ സമാജ്വാദി പാർട്ടി
അടിതട
ജൂണ്‍ നാല് ബി ജെ ഡിയുടെ കാലഹരണ തീയതി: മോദി
From the print
സമസ്ത നൂറാം വാര്ഷികം: എസ് ജെ എം പ്രവര്ത്തനങ്ങള്ക്ക് അംഗീകാരം
Kerala
'ലീഗിന്റെ ആഭ്യന്തര കാര്യങ്ങളില് ഇടപെടരുത്'; ഉമര് ഫൈസിയോട് ഷാജി
From the print
സുഗന്ധഗിരി മരംമുറിയില് കൂടുതല് നടപടി; ഉദ്യോഗസ്ഥരെ സ്ഥലം മാറ്റി
From the print