Ongoing News
സംസ്ഥാന സബ് ജൂനിയര്‍ വോളിബോള്‍ ചാമ്പ്യന്‍ഷിപ്പിന് ഇന്ന്‌ തുടക്കം
ആണ്‍കുട്ടികളുടെ മത്സരങ്ങള്‍ മലയാലപ്പുഴ മുസലിയാര്‍ എന്‍ജിനീയറിങ് കോളജ് ഗ്രൗണ്ടിലും പെണ്‍കുട്ടികളുടെ മത്സരങ്ങള്‍ പ്രമാടം ഇന്‍ഡോര്‍ സ്റ്റേഡിയത്തിലുമാണ് നടക്കുക.
പത്തനംതിട്ട | സംസ്ഥാന സ്പോര്ട്സ് കൗണ്‍സിലും ജില്ലാ സ്പോര്ട്സ് കൗണ്‍സിലും സംയുക്തമായി സംഘടിപ്പിക്കുന്ന സംസ്ഥാന സബ് ജൂനിയര്‍ വോളിബോള്‍ ചാമ്പ്യന്‍ഷിപ്പ് ഇന്ന്‌ മുതല്‍ 12 വരെ ജില്ലയിലെ രണ്ട് വേദികളിലായി നടക്കും. ആണ്‍കുട്ടികളുടെ മത്സരങ്ങള്‍ മലയാലപ്പുഴ മുസലിയാര്‍ എന്‍ജിനീയറിങ് കോളജ് ഗ്രൗണ്ടിലും പെണ്‍കുട്ടികളുടെ മത്സരങ്ങള്‍ പ്രമാടം ഇന്‍ഡോര്‍ സ്റ്റേഡിയത്തിലുമാണ് നടക്കുക. ആണ്‍കുട്ടികളുടെ വിഭാഗത്തില്‍ 14 ടീമുകളും പെണ്‍കുട്ടികളുടെ വിഭാഗത്തില്‍ 12 ടീമുകളുമാണ് മത്സരിക്കുന്നത്. വിജയികള്‍ക്ക് സംസ്ഥാന സ്പോര്ട്സ് കൗണ്‍സില്‍ സര്‍ട്ടിഫിക്കറ്റുകള്‍ നല്‍കും.
ചാമ്പ്യന്‍ഷിപ്പിന്റെ ഉദ്ഘാടനം മുസലിയാര്‍ കോളജ് ഗ്രൗണ്ടില്‍ ഇന്ന്‌ വൈകിട്ട് ആറിന് മന്ത്രി വീണാ ജോര്‍ജ് നിര്‍വഹിക്കും. ജനപ്രതിനിധികളും ജില്ലാ കലക്ടര്‍ ഉള്‍പ്പെടെയുള്ള ഉദ്യോഗസ്ഥ പ്രമുഖരും ഉദ്ഘാടന, സമാപന യോഗങ്ങളില്‍ പങ്കെടുക്കും. ഇന്ന്‌ രാവിലെ മത്സരങ്ങള്‍ ആരംഭിക്കും. 12നാണ് ഫൈനല്‍. ജില്ലാ സ്പോര്ട്സ് കൗണ്‍സിലിന്റെ നേതൃത്വത്തില്‍ ഭക്ഷണവും താമസസൗകര്യവും ക്രമീകരിക്കും.
വാര്‍ത്താ സമ്മേളനത്തില്‍ ജില്ലാ സ്പോര്ട്സ് കൗണ്‍സില്‍ പ്രസിഡന്റ് കെ അനില്‍കുമാര്‍, പബ്ലിസിറ്റി കണ്‍വീനര്‍ അഷ്റഫ് ഹാജി അലങ്കാര്‍, മലയാലപ്പുഴ എന്‍ പി ഗോപാലകൃഷ്ണന്‍, സലീംകുമാര്‍, തങ്കച്ചന്‍ പി തോമസ്, എസ് രാജേന്ദ്രന്‍ നായര്‍ സംബന്ധിച്ചു.
Latest
കോടതി അലക്ഷ്യ കേസില്‍ കെ പി സി സി പ്രസിഡന്റ് കെ സുധാകരന്‍ ഹൈക്കോടതിയില്‍ നേരിട്ട് ഹാജരായി
ബി ജെ പിക്ക് എട്ടുതവണ വോട്ട് ചെയ്ത ഗ്രാമമുഖ്യന്റെ മകന്‍ അറസ്റ്റില്‍
നിയമ വിദ്യാര്‍ഥിനിയുടെ കൊല; പ്രതി അമിറുല്‍ ഇസ്്ലാമിന്റെ വധശിക്ഷ ഹൈക്കോടതി ശരിവച്ചു
ശക്തമായ മഴ;പകര്‍ച്ചവ്യാധികള്‍ക്ക് സാധ്യത, ജാഗ്രതാ നിര്‍ദേശം നല്‍കി ആരോഗ്യ വകുപ്പ്
കിഫ്ബി മസാല ബോണ്ട് കേസ്; ഇഡി അപ്പീല്‍ ഹൈക്കോടതി തീര്‍പ്പാക്കി
കാസര്‍ഗോഡ് നൃത്തപരിശീലനത്തിനിടെ 13കാരി കുഴഞ്ഞുവീണ് മരിച്ചു
