ipl 2022
'ടാറ്റ ഐ പി എല്‍' ഇന്ത്യയോട് 'ടാറ്റ' പറഞ്ഞേക്കും; അടുത്ത സീസണ്‍ ആഫ്രിക്കയിലോ ശ്രീലങ്കയിലോ നടക്കാന്‍ സാധ്യത
രാജ്യത്ത് ദിനംപ്രതി റിപ്പോര്‍ട്ട് ചെയ്യുന്ന കൊവിഡ് കേസുകളുടെ എണ്ണം കുറഞ്ഞില്ലെങ്കില്‍ ലീഗ് ദക്ഷിണാഫ്രിക്കയിലോ ശ്രീലങ്കയിലോ നടത്താനുള്ള സാധ്യതകളാണ് ബി സി സി ഐ തേടുന്നത്
മുംബൈ | രാജ്യത്ത് കൊവിഡ് കേസുകളില്‍ ക്രമാതീതമായ വര്‍ധനവ് തുടരുന്ന സാഹചര്യത്തില്‍ ഇന്ത്യന്‍ പ്രീമിയര്‍ ലീഗിന്റെ അടുത്ത സീസണ്‍ ഇന്ത്യക്ക് പുറത്ത് നടത്താന്‍ ബി സി സി ഐ ആലോചന. രാജ്യത്ത് ദിനംപ്രതി റിപ്പോര്‍ട്ട് ചെയ്യുന്ന കൊവിഡ് കേസുകളുടെ എണ്ണം കുറഞ്ഞില്ലെങ്കില്‍ ലീഗ് ദക്ഷിണാഫ്രിക്കയിലോ ശ്രീലങ്കയിലോ നടത്താനുള്ള സാധ്യതകളാണ് ബി സി സി ഐ തേടുന്നത്.
നിലവില്‍ മൂന്ന് ടെസ്റ്റുകള്‍ ഉള്ള പരമ്പരക്കായി ടീം ഇന്ത്യ ദക്ഷിണാഫ്രിക്കയിലാണ് ഉള്ളത്. ടീമിന് ദക്ഷിണാഫ്രിക്കയുമായി ഏകദിന പരമ്പരയും കളിക്കാനുണ്ട്. ഇവിടെ ദക്ഷിണാഫ്രിക്കന്‍ ക്രിക്കറ്റ് നിയന്ത്രണത്തിനുള്ള ഔദ്യോഗിക സമിതിയായ ക്രിക്കറ്റ് ദക്ഷിണാഫ്രിക്ക ഒരുക്കിയ കൊവിഡ് പ്രതിരോധ മുന്‍കരുതലുകളില്‍ ബി സി സി ഐ സന്തുഷ്ടരാണ്. 2009 ല്‍ ഇന്ത്യയില്‍ തിരഞ്ഞെടുപ്പ് നടക്കുന്ന സാഹചര്യത്തില്‍ പുറത്തൊരു വേദി തേടിയപ്പോള്‍ ദക്ഷിണാഫ്രിക്കയിലായിരുന്നു ബി സി സി ഐ ഒടുവില്‍ മത്സരം നടത്തിയത്. ഇക്കാരണത്താലൊക്കെയാണ് ദക്ഷിണാഫ്രിക്കയില്‍ ലീഗ് നടത്താനുള്ള സാധ്യത ബി സി സി ഐ തേടുന്നത്.
ഏതെങ്കിലും കാരണത്താല്‍ ദക്ഷിണാഫ്രിക്കയില്‍ അനുമതി ലഭിച്ചില്ലെങ്കില്‍ പ്ലാന്‍ ബി വേദിയെന്ന നിലയിലാണ് ശ്രീലങ്ക ബി സി സി ഐ പരിഗണിക്കുന്നത്. രണ്ട് ടീമുകള്‍ കൂടി ഉള്‍പ്പെടുത്തിയതോടെ കഴിഞ്ഞ സീസണുകളില്‍ നിന്ന് വ്യത്യസ്തമായി ഈ സീസണിന് ദൈര്‍ഘ്യം കൂടുതലായിരിക്കും.
Latest
ആര്യ രാജേന്ദ്രനും സച്ചിന്‍ ദേവിനുമെതിരെ കേസെടുക്കണം; കോടതിയെ സമീപിക്കുമെന്ന് കെഎസ്ആര്‍ടിസി ഡ്രൈവര്‍
നാവികസേന മേധാവിയായി ദിനേശ് കുമാര്‍ ത്രിപാഠി ചുമതലയേറ്റു
ത്രിപുരയില്‍ പോളിങ് ഉദ്യോഗസ്ഥനെ മര്‍ദിച്ച സംഭവം; ബി.ജെ.പി നേതാവ് അറസ്റ്റില്‍
ലൈംഗികാതിക്രമം; പ്രജ്വല്‍ രേവണ്ണയെ ജെഡിഎസില്‍ നിന്ന് സസ്പെന്‍ഡ് ചെയ്തു
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
