National
സിനിമാ ഷൂട്ടിങ്ങിനിടെ അപകടം; സ്റ്റണ്ട്മാന്‍ മരിച്ചു
സാഹസികമായ കാര്‍ സ്റ്റണ്ട് രംഗം ചിത്രീകരിക്കുന്നതിനിടെയാണ് അപകടം.
ചെന്നൈ | സിനിമാ ഷൂട്ടിങ്ങിനിടെയുണ്ടായ വാഹനാപകടത്തില്‍ സ്റ്റണ്ട്മാന്‍ മരിച്ചു. വേട്ടുവം എന്ന സനിമയുടെ ചിത്രീകരണത്തിനിടെയുണ്ടായ അപകടത്തിലാണ് സ്റ്റണ്ട്മാനായ എസ് എം രാജു മരിച്ചത്. സാഹസികമായ കാര്‍ സ്റ്റണ്ട് രംഗം ചിത്രീകരിക്കുന്നതിനിടെയാണ് അപകടം.
അതിവേഗത്തില്‍ വന്ന എസ്യുവി റാമ്പിലൂടെ ഓടിച്ചുകയറ്റി പറപ്പിക്കുന്ന രംഗമാണ് ചിത്രീകരിച്ചിരുന്നത്. ഇതിനിടെ നിയന്ത്രണം വിട്ട വാഹനം വായുവില്‍ ഒരുതവണ മലക്കംമറിഞ്ഞ് മുന്‍ഭാഗം ഇടിച്ചുകുത്തി വീഴുകയായിരുന്നു. അപകടത്തില്‍ തകര്‍ന്ന കാറില്‍ നിന്ന് രാജുവിനെ ഉടന്‍ പുറത്തെടുത്ത് ആംബുലന്‍സില്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കോളിവുഡിലെ അറിയപ്പെടുന്ന സ്റ്റണ്ട്മാനായിരുന്ന രാജു ഒട്ടേറെ ചിത്രങ്ങളില്‍ പ്രവര്‍ത്തിച്ചിട്ടുണ്ട്. സംഭവത്തില്‍ കേസെടുത്ത് പോലീസ് അന്വേഷണം ആരംഭിച്ചു.
#Vettuvam – stunt sequence that killed talented stunt driver Mohan raj .
Rest in peace brother !
— Prashanth Rangaswamy (@itisprashanth) July 14, 2025
Latest
ഗോവ ഗവര്‍ണര്‍ സ്ഥാനത്ത് നിന്ന് പി എസ് ശ്രീധരന്‍പിള്ളയെ മാറ്റി
മുതിര്‍ന്ന കുട്ടികളുടെ പീഡനം; ശ്രീചിത്രഹോമില്‍ മൂന്ന് പെണ്‍കുട്ടികള്‍ ജീവനൊടുക്കാന്‍ ശ്രമിച്ചു
പാലക്കാട് നിപ ബാധിച്ച് മരിച്ച 58കാരന്റെ റൂട്ട് മാപ്പ് പുറത്തുവിട്ടു
താമസ കേന്ദ്രങ്ങൾ ഇ-സ്‌കൂട്ടറുകൾ നിരോധിക്കുന്നത് വ്യാപകമാകുന്നു
35 വർഷത്തിന് ശേഷം പിതാവിനെ മകൾ കണ്ടുമുട്ടി
മൂന്ന് ബെൽജിയൻ പൗരന്മാരെ ദുബൈ പോലീസ് അറസ്റ്റ് ചെയ്തു
