Kerala
സില്വര് ലൈന് പ്രചാരണം; വീട് കയറി മന്ത്രി സജി ചെറിയാന്, ചെന്നിത്തലയെത്തി പിഴുത സര്വേ കല്ലുകള് പുനസ്ഥാപിച്ചു
ചെങ്ങന്നൂര് | ചെങ്ങന്നൂര് കൊഴുവല്ലൂരില് സില്വര് ലൈന് അനുകൂല പ്രചരണത്തിന് വീട് കയറി മന്ത്രി സജി ചെറിയാന്. പ്രതിഷേധം കനത്ത പ്രദേശങ്ങളിലാണ് മന്ത്രി നേരിട്ടെത്തിയത്. സമരക്കാര് ജനങ്ങളെ തെറ്റിദ്ധരിപ്പിച്ചെന്നും പറഞ്ഞതെല്ലാം പ്രതിപക്ഷം വിഴുങ്ങേണ്ടി വരുമെന്നും മന്ത്രി പറഞ്ഞു. അതിരാവിലെ ഇരുചക്ര വാഹനത്തിലാണ് മന്ത്രിയും സംഘവും വീട് കയറാന് എത്തിയത്. ജനങ്ങളില് ഉണ്ടായിരുന്ന തെറ്റിദ്ധാരണ മാറ്റാനായെന്ന് മന്ത്രി പറഞ്ഞു.
മന്ത്രിയുടെ വീടിരിക്കുന്ന കൊഴുവല്ലൂര് പ്രദേശത്ത് കഴിഞ്ഞ ദിവസം കോണ്ഗ്രസ് നേതാവ് രമേശ് ചെന്നിത്തലയെത്തി പിഴുത സര്വേ കല്ലുകള് മന്ത്രിയുടെ നേതൃത്വത്തില് പുനസ്ഥാപിച്ചു. പ്രതിഷേധമുയര്ന്ന ഭൂതംകുന്ന് കോളനിയില് ഉള്പ്പെടെ പ്രശ്നങ്ങള് അവസാനിച്ചെന്ന് മന്ത്രി പറഞ്ഞു. അതേസമയം സി പി എമ്മും മന്ത്രിയും വീടുകള് കയറിയിറങ്ങി പച്ചക്കള്ളം പറഞ്ഞ് ജനങ്ങളെ തെറ്റിദ്ധരിപ്പിക്കുകയാണെന്നാണ് കെ റെയില് വിരുദ്ധ സമര സമിതിയുടെ പ്രതികരണം.