Kerala
നടക്കാത്ത സംഗീത പരിപാടിക്കായി ലക്ഷങ്ങള് നല്കിയതായി രേഖ' ആഗോള അയ്യപ്പ സംഗമത്തില് വിവാദം ഒഴിയുന്നില്ല
അയ്യപ്പസംഗമത്തിന് നന്ദഗോവിന്ദം ഭജന്സിന്റെ പേരില് എട്ടു ലക്ഷത്തിന്റെ ബില് കണക്കില്പ്പെടുത്തിയെങ്കിലും ഇവരുടെ പരിപാടി നടന്നിട്ടില്ലെന്നതാണ് സര്ക്കാറിനേയും ദേവസ്വം ബോര്ഡിനേയും ഇപ്പോള് വെട്ടിലാക്കിയിരിക്കുന്നത്.
പത്തനംതിട്ട | ആഗോള അയ്യപ്പസംഗമത്തില് നടക്കാത്ത സംഗീത പരിപാടിക്കായി ലക്ഷങ്ങള് ചിലവാക്കിയതായി രേഖ. പമ്പയില് നടന്ന അയ്യപ്പസംഗമത്തിന് നന്ദഗോവിന്ദം ഭജന്സിന്റെ പേരില് എട്ടു ലക്ഷത്തിന്റെ ബില് കണക്കില്പ്പെടുത്തിയെങ്കിലും ഇവരുടെ പരിപാടി നടന്നിട്ടില്ലെന്നതാണ് സര്ക്കാറിനേയും ദേവസ്വം ബോര്ഡിനേയും ഇപ്പോള് വെട്ടിലാക്കിയിരിക്കുന്നത്. പരിപാടി നടന്നു എന്ന് രേഖപ്പെടുത്തിയ ദിവസം നന്ദഗോവിന്ദം ട്രൂപ്പിനെ സംഗമത്തിലേക്ക് ക്ഷണിക്കുകയോ അവര് എത്തുകയോ ചെയ്തിട്ടില്ല. സംഗമം നടന്ന ദിവസം രാവിലെ ഭക്തിഗാന സദസ്സാണ് നടന്നതെന്നും ഇപ്പോള് വ്യക്തമായിരിക്കുന്നത്
ദേവസ്വം ബോര്ഡ് ഹൈക്കോടതിയില് സമര്പ്പിച്ച ഓഡിറ്റ് റിപ്പോര്ട്ടില് നന്ദഗോവിന്ദം ഭജന്സിന്റെ പേരാണ് കാണിച്ചിരിക്കുന്നത്. പമ്പയിലോ സന്നിധാനത്തോ ഇതുവരെ പരിപാടികള് അവതരിപ്പിച്ചിട്ടില്ലെന്ന് നന്ദഗോവിന്ദം ഭജന്സിന്റെ പ്രവര്ത്തകര് വ്യക്തമാക്കി. ഗായകന് ഇഷാന്ദേവിന്റെ നേതൃത്വത്തിലുള്ള സംഘമാണ് ഭക്തിഗാനസദസ് അവതരിപ്പിച്ചത്. അവര്ക്ക് എത്ര രൂപ നല്കിയെന്ന് റിപ്പോര്ട്ടില് വ്യക്തമല്ല. കലാപരിപാടിക്ക് രണ്ടുലക്ഷം രൂപയുടെ ബജറ്റാണ് നിശ്ചയിച്ചിരുന്നത്.
ശബരിമല സ്പെഷല് കമ്മീഷണറുടെ റിപ്പോര്ട്ടും, ദേവസ്വം ബോര്ഡ് ഓഡിറ്റ് ചെയ്ത കണക്കും ഹൈക്കോടതിയുടെ മുന്നിലാണ്. സംഗമത്തിന്റെ അന്ന് വൈകീട്ട് വിജയ് യേശുദാസ്, വീരമണി രാജു, സുദീപ് കുമാര് എന്നിവരുടെ അയ്യപ്പഭക്തിഗാനമേള നടന്നിരുന്നു. എന്നാല് ഇതിന്റെ ചെലവും കണക്കുകളില്ല. അയ്യപ്പ സംഗമത്തിനായി മൊത്തം 10.99 കോടി രൂപ ചെയലവായെന്നാണ് ഓഡിറ്റ് റിപ്പോര്ട്ടില് വ്യക്തമാക്കുന്നത്.
ചൊവാഴ്ച തിരുവിതാംകൂര് ദേവസ്വം ബോര്ഡ് ആസ്ഥാനത്ത് നിര്ണായക യോഗം ചേരും. മുഴുവന് കണക്കുകളുമായി എത്താന് കരാര് കമ്പനിക്ക് നിര്ദേശം നല്കിയിട്ടുണ്ട്. ഊരാളുങ്കലിന് കീഴിലുള്ള ഇന്ത്യന് ഇന്സ്റ്റിറ്റ്യൂട്ട് ഓഫ് ഇന്ഫ്രക്ച്ചര് ആന്ഡ് കണ്സ്ട്രക്ഷന് കമ്പനിക്കാണ് മുഴുവന് കണക്കുകളുമായി എത്താന് നിര്ദേശം നല്കിയത്. ഓഡിറ്റിംഗ് നടത്തിയ വിജയന് ആന്ഡ് അസോസിയേറ്റ് എന്ന സ്ഥാപനവും യോഗത്തില് പങ്കെടുക്കും.
Latest
'അമ്മായിയുടെ പീഡനം താങ്ങാൻ കഴിയുന്നില്ല; അവൾ എത്രയും വേഗം മരിക്കുന്നുവെന്ന് ഉറപ്പാക്കണം'; ഭണ്ഡാരപ്പെട്ടിയിലിട്ട നോട്ടിൽ ഭക്തന്റെ അഭ്യർഥന
ജി7 ഉച്ചകോടിക്കിടെയുള്ള മോദി-ട്രംപ് ചർച്ചയെ പുകഴ്ത്തി ശശി തരൂർ; സ്വാഗതം ചെയ്ത് ബിജെപി
ലെബനനിൽ വെടിനിർത്തൽ ലംഘിച്ച് ഇസ്റാഈൽ വ്യോമാക്രമണം; അഞ്ച് പേർ കൊല്ലപ്പെട്ടു
ആഭ്യന്തര മന്ത്രി രമേശ് ചെന്നിത്തല കാന്തപുരത്തെ സന്ദർശിച്ചു
എബോള ആശങ്ക ഒഴിഞ്ഞു; കോട്ടയത്ത് നിരീക്ഷണത്തിലായിരുന്ന ആളുടെ പരിശോധനാ ഫലം നെഗറ്റീവ്
ഹെയ്തിയെ എതിരില്ലാത്ത മൂന്ന് ഗോളുകൾക്ക് തകർത്ത് ബ്രസീൽ
