Business
ഡിജിറ്റല്‍ കറന്‍സി ഉടന്‍ പുറത്തിറക്കാന്‍ പദ്ധതിയുണ്ടെന്ന് ആര്‍ബിഐ
സിബിഡിസി സെന്‍ട്രല്‍ ബാങ്ക് പുറത്തിറക്കുന്ന കറന്‍സിക്ക് തുല്യമാണ്. പക്ഷേ പേപ്പറില്‍ നിന്ന് വ്യത്യസ്തമായ ഒരു രൂപമാണുണ്ടാകുക.
ന്യൂഡല്‍ഹി| റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) ഡിസംബറോടെ ഇന്ത്യയുടെ സ്വന്തം ഡിജിറ്റല്‍ കറന്‍സി പരീക്ഷണാടിസ്ഥാനത്തില്‍ ആരംഭിക്കാന്‍ പദ്ധതിയുണ്ടെന്ന് റിപ്പോര്‍ട്ടുകള്‍. വരും കാലങ്ങളില്‍ കറന്‍സി കൈവശം വെക്കുന്നതും ഉപയോഗിക്കുന്നതുമായ രീതി മാറ്റാന്‍ കഴിയുന്ന ഒരു കണ്ടുപിടിത്തമായിരിക്കുമിത്. എന്നാലിത് ഭൗതികമായ പണത്തിന് പകരമുള്ളതോ ക്രിപ്‌റ്റോകറന്‍സികളോ അല്ലെന്ന് ആര്‍ബിഐ ഡെപ്യൂട്ടി ഗവര്‍ണര്‍ ടി രബി ശങ്കര്‍ പറഞ്ഞു.
സെന്‍ട്രല്‍ ബാങ്ക് ഡിജിറ്റല്‍ കറന്‍സി (സിബിഡിസി) എന്നാണ് ഇവ അറിയപ്പെടുക. ഡിജിറ്റല്‍ രൂപത്തിലുള്ള കറന്‍സിയാണിത്. ഉപയോക്താവിന് ഒരു മൊബൈല്‍ ആപ്പ് അല്ലെങ്കില്‍ ഓണ്‍ലൈന്‍ വാലറ്റിലൂടെ പെയ്മെന്റുകള്‍ നടത്താനോ സ്വീകരിക്കാനോ കഴിയും. എന്നാല്‍ ഇത് പണത്തില്‍ നിന്ന് വ്യത്യസ്തമായിരിക്കില്ല. ഡിജിറ്റലായി കൈവശം വെച്ചിരിക്കുന്ന 100 രൂപ ഭൗതിക പണ രൂപത്തിലുള്ള 100 രൂപയ്ക്ക് തുല്യമാണ്. സിബിഡിസി സെന്‍ട്രല്‍ ബാങ്ക് പുറത്തിറക്കുന്ന കറന്‍സിക്ക് തുല്യമാണ്. പക്ഷേ പേപ്പറില്‍ നിന്ന് വ്യത്യസ്തമായ ഒരു രൂപമാണുണ്ടാകുക. ഇത് ഇലക്ട്രോണിക് രൂപത്തിലുള്ള കറന്‍സിയായിരിക്കും.
Latest
മേയര്‍ കെഎസ്ആര്‍ടിസി ഡ്രൈവര്‍ തര്‍ക്കം;ഡ്രൈവറുടെ പരാതിയില്‍ ഇടപെട്ട് മനുഷ്യാവകാശ കമ്മീഷന്‍
ഗ്രേറ്റര്‍ നോയിഡയില്‍ പട്ടാപ്പകല്‍ പതിനഞ്ചുകാരനെ തട്ടിക്കൊണ്ടുപോയി
മോദിക്ക് തുറന്ന കത്തുമായി കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാർഗെ
ജീവപര്യന്തം തടവ് ശിക്ഷ അനുഭവിക്കുന്ന 38കാരന്റെ വയറ്റില്‍ നിന്നും ശസ്ത്രക്രിയയിലൂടെ മൊബൈല്‍ഫോണ്‍ നീക്കി
വിജയവാഡയില്‍ കുടുംബാംഗങ്ങളെ കൊലപ്പെടുത്തിയ ശേഷം 40കാരന്‍ തൂങ്ങിമരിച്ചു
വാരണാസിയില്‍ നരേന്ദ്ര മോദിക്കെതിരെ മത്സരിക്കാനൊരുങ്ങി ഹാസ്യ നടന്‍ ശ്യാം രംഗീല
