National
ഹൈദരാബാദ് ജയിലില്‍ നിന്ന് 4 പിഎഫ്‌ഐ അംഗങ്ങളെ എന്‍ഐഎ കസ്റ്റഡിയിലെടുത്തു
ചോദ്യം ചെയ്യുന്നതിനായി പ്രതികളെ മദാപൂരിലെ എന്‍ഐഎ ഓഫീസിലേക്ക് കൊണ്ടുപോയി.
ഹൈദരാബാദ്| പോപ്പുലര്‍ ഫ്രണ്ട് ഓഫ് ഇന്ത്യ (പിഎഫ്‌ഐ) നിരോധനക്കേസില്‍ ഇപ്പോള്‍ ജയിലില്‍ കഴിയുന്ന നാല് പ്രതികളെ ദേശീയ അന്വേഷണ ഏജന്‍സി (എന്‍ഐഎ) ശനിയാഴ്ച കസ്റ്റഡിയിലെടുത്തു. ചഞ്ചല്‍ഗുഡ സെന്‍ട്രല്‍ ജയിലില്‍ നിന്നാണ് സാഹിദ്, സമിയുദ്ദീന്‍, മാസ് ഹുസൈന്‍, കലീം എന്നിവരെ എന്‍ഐഎ ഉദ്യോഗസ്ഥര്‍ കസ്റ്റഡിയിലെടുത്തത്.
കഴിഞ്ഞ വര്‍ഷം ഇവര്‍ക്കെതിരെ രജിസ്റ്റര്‍ ചെയ്ത കേസില്‍ ചോദ്യം ചെയ്യുന്നതിനായി പ്രതികളെ മദാപൂരിലെ എന്‍ഐഎ ഓഫീസിലേക്ക് കൊണ്ടുപോയി. മുസ്ലീം യുവാക്കളെ തീവ്രവാദികളാക്കി പരിശീലനം നല്‍കിയെന്നാരോപിച്ച് തെലങ്കാനയുടെ വിവിധ ഭാഗങ്ങളില്‍ നിന്ന് 20ല്‍ അധികം പിഎഫ്‌ഐ പ്രവര്‍ത്തകരെ കഴിഞ്ഞ വര്‍ഷം അറസ്റ്റ് ചെയ്തിരുന്നു. കഴിഞ്ഞ വര്‍ഷം ഡിസംബറിലാണ് 11 പ്രതികള്‍ക്കെതിരെ കുറ്റപത്രം സമര്‍പ്പിച്ചത്. മാര്‍ച്ച് 16ന് അഞ്ച് പ്രതികള്‍ക്കെതിരെ എന്‍ഐഎ അനുബന്ധ കുറ്റപത്രം സമര്‍പ്പിച്ചു.
മുസ്ലിം യുവാക്കളെ പ്രകോപിപ്പിക്കുകയും തീവ്രവാദികളാക്കി അവരെ റിക്രൂട്ട് ചെയ്യുകയും പ്രത്യേകമായി സംഘടിപ്പിച്ച പരിശീലന ക്യാമ്പുകളില്‍ ആയുധ പരിശീലനം നല്‍കുകയും ചെയ്തു എന്ന കുറ്റമാണ് പിഎഫ്‌ഐ അംഗങ്ങള്‍ക്കെതിരെ ചുമത്തിയിരിക്കുന്നത്.
Latest
രാഹുല്‍ ഗാന്ധിക്കെതിരായ അധിക്ഷേപ പരാമര്‍ശം ; പി വി അന്‍വറിനെതിരെ പരാതി
ഓൺലൈൻ തട്ടിപ്പ്; വളപട്ടണം സ്വദേശിയുടെ 37,000 നഷ്ടമായി
കേരളത്തില്‍ ഒരിടത്തും ബിജെപി രണ്ടാം സ്ഥാനത്ത് പോലും എത്തില്ലെന്ന് എംവി ഗോവിന്ദന്‍
ലോക്‌സഭ തിരഞ്ഞെടുപ്പിന് സ്വകാര്യ മേഖലയിലെ ജീവനക്കാര്‍ക്ക് അവധി
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
