2025ല്‍ ആപ്പിളിന്റെ 9 ഇഞ്ച് സ്‌ക്രീനുള്ള മടക്കാവുന്ന ഉപകരണമെത്തും

ന്യൂഡല്‍ഹി| 2025ല്‍ ആപ്പിളിന് 9 ഇഞ്ച് സ്‌ക്രീനുള്ള മടക്കാവുന്ന ഉപകരണം പുറത്തിറക്കാന്‍ കഴിയുമെന്ന് റിപ്പോര്‍ട്ട്. അനലിസ്റ്റ് മിംഗ് ചി കുവോയാണ് ഇക്കാര്യം അറിയിച്ചത്. അദ്ദേഹം 2024ല്‍ ആപ്പിള്‍ ഇത്തരമൊരു ഉപകരണം പുറത്തിറക്കുമെന്ന് നേരത്തെ പ്രവചിച്ചിരുന്നു. കുവോയുടെ അഭിപ്രായത്തില്‍, ആപ്പിള്‍ 2025-ല്‍ അവതരിപ്പിക്കാന്‍ പദ്ധതിയിടുന്ന ഉപകരണം ഐഫോണിനും ഐപാഡിനും ഇടയിലുള്ള ഒരു ഹൈബ്രിഡ് ആയിരിക്കും.

ഒരു ടെക് ഭീമന്‍ 2023ല്‍ മടക്കാവുന്ന ഉപകരണം അവതരിപ്പിക്കുമെന്ന് കുവോ പ്രവചിച്ചിരുന്നു. 2021ലാണ് അദ്ദേഹം ഇക്കാര്യം പറഞ്ഞത്. ഇത് മടക്കാവുന്ന വിഭാഗത്തില്‍ വലിയ വിജയമാകുമെന്നും ആഗോള ഷിപ്പ്മെന്റുകള്‍ 15-20 ദശലക്ഷം യൂണിറ്റുകള്‍ കടക്കുമെന്നും കുവോ പ്രവചിച്ചിരുന്നു.