hate speech
മുന്നറിയിപ്പുകള്‍ കാറ്റില്‍ പറത്തി ഹരിയാനയില്‍ വിദ്വേഷ പ്രസംഗവും ഭീഷണിയും
പോലീസ് സംരക്ഷണയില്‍ നടന്ന മഹാപഞ്ചായത്തിലാണ് മുസ്ലിംകളെ ലക്ഷ്യമിട്ട് പ്രസംഗകര്‍ ഒന്നടങ്കം വിദ്വേഷം ചൊരിഞ്ഞത്.
ഗുരുഗ്രാം | ഹരിയാനയില്‍ അധികൃതരുടെ മുന്നറിയിപ്പുകള്‍ കാറ്റില്‍ പറത്തി സര്‍വ ഹിന്ദു സമാജ് എന്ന ഹിന്ദുത്വ സംഘടന നടത്തിയ മഹാപഞ്ചായത്തില്‍ മുസ്ലിംകള്‍ക്കെതിരെ വിദ്വേഷ പ്രസംഗവും ഭീഷണിയും. വിദ്വേഷ പ്രസംഗം ഉണ്ടാകരുതെന്ന വ്യവസ്ഥയോടെയാണ് പോലീസ് മഹാപഞ്ചായത്തിന് അനുമതി നല്‍കിയത്. പല്‍വാല്‍ ജില്ലയില്‍ പോലീസ് സംരക്ഷണയില്‍ നടന്ന മഹാപഞ്ചായത്തിലാണ് മുസ്ലിംകളെ ലക്ഷ്യമിട്ട് പ്രസംഗകര്‍ ഒന്നടങ്കം വിദ്വേഷം ചൊരിഞ്ഞത്.
വിദ്വേഷ പ്രസംഗം നടത്തരുതെന്ന് പ്രസംഗകര്‍ക്ക് മുന്നറിയിപ്പ് നല്‍കിയെന്ന് മഹാപഞ്ചായത്തിന്റെ സംഘാടകര്‍ അവകാശപ്പെടുന്നെങ്കിലും അതൊന്നും മുഖവിലക്ക് എടുത്തിട്ടില്ല. നിങ്ങളൊരു വിരല്‍ പൊക്കിയാല്‍ നിങ്ങളുടെ രണ്ട കൈകളും വെട്ടുമെന്നാണ് ഒരാള്‍ പ്രസംഗിച്ചത്. മറ്റൊരാള്‍ തോക്ക് ഉപയോഗിക്കാന്‍ അനുമതി നല്‍കണമെന്നാണ് ആവശ്യപ്പെട്ടത്.
നൂഹ് ജില്ലയില്‍ രണ്ടാഴ്ച മുമ്പ് കലാപത്തിന് കാരണമായ വിശ്വ ഹിന്ദു പരിഷതിന്റെ മാര്‍ച്ച് പൂര്‍ത്തിയാക്കാനുള്ള ചര്‍ച്ച എന്ന പേരിലാണ് ഹിന്ദു സമാജ് മഹാപഞ്ചായത്ത് നടന്നത്. നൂഹില്‍ മഹാപഞ്ചായത്ത് നടത്താനാണ് ആസൂത്രണം ചെയ്തതെങ്കിലും പോലീസ് അനുമതി ലഭിക്കാത്തതിനാല്‍ 35 കി മീ അകലെയുള്ള പല്‍വാലിലേക്ക് മാറ്റുകയായിരുന്നു.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
