Kerala
സ്റ്റാര്ട്ട് അപ്പ് ഫെസ്റ്റിവലിലേക്ക് ശശി തരൂരിനെ ക്ഷണിച്ച് ഡി വൈ എഫ് ഐ; അസൗകര്യം അറിയിച്ച് തരൂര്
കേരളത്തിലെ സ്റ്റാര്ട്ട് അപ്പ് മേഖല സംബന്ധിച്ച് സത്യസന്ധമായ അഭിപ്രായ പ്രകടനം നടത്തിയ വ്യക്തി എന്ന നിലയ്ക്കും തിരുവനന്തപുരം എം പി എന്ന നിലയ്ക്കുമാണ് തരൂരിനെ ക്ഷണിച്ചതെന്ന് ഡി വൈ എഫ് ഐ.
തിരുവനന്തപുരം | തിരുവനന്തപുരത്ത് നടത്തുന്ന സ്റ്റാര്ട്ട് അപ്പ് ഫെസ്റ്റിവലിലേക്ക് ശശി തരൂരിനെ ക്ഷണിച്ച് ഡി വൈ എഫ് ഐ. മാര്ച്ച് 1, 2 തിയ്യതികളില് സംഘടിപ്പിക്കുന്ന പരിപാടിയിലേക്കാണ് ക്ഷണം. എന്നാല്, സൂറത്തില് പരിപാടി ഉള്ളതിനാല് എത്താന് കഴിയില്ലെന്ന് അറിയിച്ച തരൂര്, സ്റ്റാര്ട്ട് അപ്പ് ഫെസ്റ്റിവലിന് ആശംസകളര്പ്പിച്ചു.
കേരളത്തിലെ സ്റ്റാര്ട്ട് അപ്പ് മേഖല സംബന്ധിച്ച് സത്യസന്ധമായ അഭിപ്രായ പ്രകടനം നടത്തിയ വ്യക്തി എന്ന നിലയ്ക്കും തിരുവനന്തപുരം എം പി എന്ന നിലയ്ക്കുമാണ് തരൂരിനെ ക്ഷണിച്ചതെന്ന് ഡി വൈ എഫ് ഐ സംസ്ഥാന സെക്രട്ടറി വി കെ സനോജ് പറഞ്ഞു. ഇത്തരം പരിപാടികള്ക്ക് നേരത്തെയും കോണ്ഗ്രസ്സ് നേതാക്കന്മാരെ ക്ഷണിച്ചിട്ടുണ്ട്. ചിലര് പങ്കെടുക്കും. എന്നാല്, ചിലര് വരാറില്ല.
വികസനത്തില് രാഷ്ട്രീയം നോക്കാറില്ലെന്നാണ് തരൂര് പറഞ്ഞത്. എന്നാല്, നേരത്തെ തീരുമാനിച്ച പരിപാടികള് ഉള്ളതുകൊണ്ട് എത്താന് പ്രയാസമാണെന്നാണ് അദ്ദേഹം അറിയിച്ചത്. തരൂരിനെ ക്ഷണിച്ചതിനു പിന്നില് ഇപ്പോഴത്തെ വിവാദങ്ങളാണെന്ന വാര്ത്തകള് അടിസ്ഥാന രഹിതമാണെന്നും സനോജ് വ്യക്തമാക്കി.
Latest
ഗ്ലാസ് ചിഹ്നം പട്ടികയിലില്ല; പ്രതിസന്ധിയിലായി കോഴിക്കോട് സൗത്തില് അഹമ്മദ് ദേവര് കോവില്
കളമശ്ശേരി എടയാര് വ്യവസായ മേഖലയില് വന് തീപിടിത്തം; ഒരു മരണം
യു പ്രതിഭയ്ക്ക് എതിരെ അധിക്ഷേപം; നടപടിയെടുക്കാന് മുഖ്യ തിരഞ്ഞെടുപ്പ് ഓഫീസര് ആലപ്പുഴ ജില്ലാ കലക്ടര്ക്ക് നിര്ദ്ദേശം നല്കി
വന്ദേ ഭാരത് എക്സ്പ്രസില് യാത്രക്കാരന് നല്കിയ ഭക്ഷണത്തില് ജീവനുള്ള പുഴുക്കള്
ആന്ധ്രാപ്രദേശില് ബസും ടിപ്പറും കൂട്ടിയിടിച്ച് പത്ത് പേര് മരിച്ചു; 20 പേര്ക്ക് പരിക്ക്
എസ് എസ് എല് സി പരീക്ഷ കഴിഞ്ഞ് കനാലില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു
