CALICUT UNIVERSITY CONFLICT
കാലിക്കറ്റ് സര്‍വകലാശാലയില്‍ സംഘര്‍ഷം; നാല് പേര്‍ക്ക് പരുക്ക്
മൂന്ന് എസ് എഫ് ഐ പ്രവര്‍ത്തകര്‍ക്കും ഒരു പരീക്ഷ ഭവന്‍ ജീവനക്കാരനുമാണ് പരുക്കേറ്റത്
കോഴിക്കോട് കാലിക്കറ്റ് സര്‍വകലാശാലയില്‍ എസ് എഫ് ഐ പ്രവര്‍ത്തകരും പരീക്ഷാ ഭവന്‍ ജീവനക്കാരും തമ്മില്‍ സംഘര്‍ഷം. നാല് പേര്‍ക്ക് പരുക്ക്. പരീക്ഷ ഭവന്‍ ജീവനകനായ ഷിബു, എസ് എഫ് ഐ പ്രവര്‍ത്തകരായ അമല്‍, ബിന്‍ദേവ്, ശ്രീലേഷ് എന്നിവര്‍ക്കാണ് ഏറ്റുമുട്ടലില്‍ പരുക്കേറ്റത്.
മൂന്ന് വിദ്യാര്‍ഥി നേതാക്കളെ പരീക്ഷാ ഭവനില്‍ പൂട്ടിയിട്ട് മര്‍ദിച്ചതായി എസ് എഫ് ഐ നേതാക്കള്‍ പറയുന്നു. മാര്‍ക്ക് ലിസ്റ്റുമായി ബന്ധപ്പെട്ട കാര്യങ്ങള്‍ക്കായി പരീക്ഷാ ഭവനില്‍ എത്തിയതായിരുന്നു വിദ്യാര്‍ഥികളെന്നും എസ് എഫ് ഐ അറിയിച്ചു.
എന്നാല്‍ നിലവില്‍ കൊവിഡ് പ്രോട്ടോകോള്‍ നിലനില്‍ക്കുന്ന സാഹചര്യത്തില്‍ ഒരു വിദ്യാര്‍ഥിക്ക് മാത്രമേ അകത്തേക്ക് പ്രവേശിക്കാനാകു, ഇത് വിദ്യാര്‍ഥികളെ അറിയിച്ചു അത് ഉള്‍ക്കൊള്ളാന്‍ വിദ്യാര്‍ഥികള്‍ തയാറായില്ല. ജോലി ചെയ്തുകൊണ്ടിരുന്ന ഉദ്യോഗസ്ഥന് മേല്‍ തട്ടി കയറുകയും മര്‍ദിക്കുകയും ചെയ്യുകയായിരുന്നെന്ന് പരീക്ഷ ഭവന്‍ അറിയിച്ചു.
Latest
സുഗന്ധഗിരി മരം മുറി കേസ് ; ഉദ്യോഗസ്ഥരുടെ സസ്‌പെന്‍ഷന്‍ മരവിപ്പിച്ചു
കടലില്‍ കുളിക്കാനിറങ്ങിയ പതിനേഴുകാരന്‍ ഒഴുക്കില്‍പെട്ടു
മംഗളൂരുവില്‍ ഉന്തുവണ്ടിയില്‍ നിന്നും ഐസ്‌ക്രീം കഴിച്ച ഇരട്ടകുട്ടികള്‍ മരിച്ചു
ഇ ഡി ക്കെതിരെ ഗുരുതര ആരോപണവുമായി എഎപി ; കെജ് രിവാളിനെ കൊലപ്പെടുത്താന്‍ ഗൂഢാലോചന നടക്കുന്നുവെന്ന് അതിഷി
ആലപ്പുഴയിൽ വീണ്ടും പക്ഷിപ്പനി; താറാവുകളെ കൊന്നൊടുക്കും
തിരുവനന്തപുരത്ത് ഏഴുവയസുകാരന് രണ്ടാനച്ഛന്‍റെ ക്രൂര മർദനം
