Kerala
നിലയ്ക്കലില് ശബരിമല തീര്ത്ഥാടകരുടെ ബസ് മറിഞ്ഞു; 13 പേര്ക്ക് പരിക്ക്, 2 പേരുടെ നില ഗുരുതരം
പരിക്കേറ്റവരെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു.
ശബരിമല| നിലയ്ക്കലില് ശബരിമല തീര്ത്ഥാടകരുടെ ബസ് മറിഞ്ഞ് അപകടം. അപകടത്തില് നിരവധി പേര്ക്ക് പരിക്ക്. ശബരിമല ദര്ശനം കഴിഞ്ഞ തീര്ത്ഥാടകരുമായി നിലയ്ക്കല് പാര്ക്കിംഗ് ഗ്രൗണ്ടില് നിന്ന് ഇറങ്ങിവന്ന മിനി ബസാണ് നിയന്ത്രണം വിട്ട് മറിഞ്ഞത്. ഇന്ന് പുലര്ച്ചെയാണ് സംഭവം.
അപകടത്തില് തമിഴ്നാട്ടില് നിന്നുള്ള 13 തീര്ത്ഥാടകര്ക്ക് പരിക്കേറ്റു. പരിക്കേറ്റവരെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു. രണ്ട് പേരുടെ നില ഗുരുതരമാണെന്നാണ് ലഭിക്കുന്ന വിവരം.
അതേസമയം, ശബരിമലയില് തീര്ത്ഥാടകരുടെ തിരക്ക് തുടരുകയാണ്. പമ്പയില് നിന്നും മണിക്കൂറുകള് ഇടവിട്ടാണ് തീര്ത്ഥാടകരെ കടത്തിവിടുന്നത്. നിലയ്ക്കലും ഇടത്താവളങ്ങളിലും തീര്ത്ഥാടകരുടെ വാഹനങ്ങള്ക്ക് നിയന്ത്രണം ഏര്പ്പെടുത്തിയിരിക്കുകയാണ്.