Kerala
കൂറ്റന്‍ തേക്കുമരം വാഹനത്തിനു മുകളിലേക്ക് വീണു; ഡ്രൈവര്‍ അത്ഭുതകരമായി രക്ഷപ്പെട്ടു
മൈലപ്ര കിഴക്കേമുള്ളുകാലായില്‍ വിജയന് പരുക്കേറ്റു.
പത്തനംതിട്ട | കടപുഴകിയ കൂറ്റന്‍ തേക്കുമരം മാരുതി ഒമ്നി വാഹനത്തിനു മുകളിലേക്ക് വീണു. ഡ്രൈവര്‍ അത്ഭുതകരമായി രക്ഷപ്പെട്ടു. പത്തനംതിട്ട മൈലപ്ര കുമ്പഴ നോര്‍ത്ത് ഐ ടി ഐ പടിയില്‍ ശ്രീവിലാസ് സദാനന്ദന്റെ പറമ്പില്‍ നിന്ന കൂറ്റന്‍ തേക്കുമരമാണ് ശക്തമായ കാറ്റില്‍ കടപുഴകിയത്. ഇന്ന് വൈകിട്ടായിരുന്നു അപകടം.
മരം റോഡിലൂടെ വന്ന മാരുതി വാനിന് മുകളിലേക്ക് വീഴുകയായിരുന്നു. വാഹനത്തില്‍ ഉടമ മൈലപ്ര കിഴക്കേമുള്ളുകാലായില്‍ വിജയന് മാത്രമാണ് ഉണ്ടായിരുന്നത്. വാഹനത്തിനു മുന്നിലായി ഡ്രൈവറുടെ ഭാഗത്തോട് ചേര്‍ന്നാണ് മരം വീണത്. ഇതോടെ വിജയന് വാഹനത്തില്‍ നിന്ന് പുറത്തിറങ്ങാന്‍ കഴിയാത്ത അവസ്ഥയായി.
സ്വകാര്യ റിക്കവറി വാനും ഫയര്‍ഫോഴ്‌സും സ്ഥലത്തെത്തി രക്ഷാപ്രവര്‍ത്തനം നടത്തി. അഗ്‌നിരക്ഷാസേന ജീവനക്കാര്‍ മരം മുറിച്ചു നീക്കി വാഹനത്തില്‍ നിന്നും വിജയനെ പുറത്തെത്തിച്ചു. പരുക്കേറ്റ വിജയനെ ആശുപത്രിയില്‍ പ്രവേശിപ്പിച്ചു.
Latest
അട്ടപ്പാടിയില് കാട്ടാന ആക്രമണത്തില് പരുക്കേറ്റ് ചികിത്സയിലായിരുന്നയാള് മരിച്ചു
നോവല് പ്രസിദ്ധീകരിക്കാന് അനുമതി; നിരാഹാരസമരം അവസാനിപ്പിച്ച് മാവോയിസ്റ്റ് രൂപേഷ്
വരുന്നൂ, പുതിയ മുഖവുമായി ദുബൈ ഫിറ്റ്നസ് ചലഞ്ച്
സര്ക്കാര് ജീവനക്കാരുടെ കൂട്ട വിരമിക്കല് ഇന്ന്
നിലമ്പൂര്: എം സ്വരാജിന് ഇന്ന് വന് വരവേല്പ്പ്; ഷൗക്കത്ത് നാമനിര്ദ്ദേശ പത്രിക സമര്പ്പിക്കും
ഇന്ന് എല്ലാ ജില്ലയിലും യെല്ലോ അലര്ട്ട്
