Kerala
വഴി തര്ക്കത്തെ തുടര്ന്ന് യുവാവിനെ കുത്തിക്കൊലപ്പെടുത്തിയ കേസ്; പ്രതിക്ക് ഏഴ് വര്ഷം കഠിന തടവും പിഴയും ശിക്ഷ
2020 നവംബറില് കൊയിലാണ്ടി ചെമ്പനോട പുഴയോരത്ത് ആണ് കേസിന് ആസ്പദമായ സംഭവം
കോഴിക്കോട് | വഴി തര്ക്കവുമായി ബന്ധപ്പെട്ട് യുവാവിനെ ക കുത്തി കൊലപ്പെടുത്തിയ കേസില് പ്രതിക്ക് കഠിന തടവും പിഴയും ശിക്ഷ. തോമസിന്റെ മകന് ഷിജോ(38) എന്ന ഉണ്ണി ചാക്കോയെ കൊലപ്പെടുത്തിയ കേസില് പ്രതി ചാക്കോ(59) എന്ന കുഞ്ഞപ്പനെയാണ് കോഴിക്കോട് അഡീഷണല് ഡിസ്ട്രിക്റ്റ് ആന്റ് സെഷന്സ് ജഡ്ജി എന് ആര് കൃഷ്ണകുമാര് ശിക്ഷിച്ചത്. പ്രതിക്ക് ഏഴ് വര്ഷം കഠിന തടവും ഒരു ലക്ഷം രൂപ പിഴയുമാണ് ശിക്ഷ വിധിച്ചത്.
2020 നവംബറില് കൊയിലാണ്ടി ചെമ്പനോട പുഴയോരത്ത് ആണ് കേസിന് ആസ്പദമായ സംഭവം നടന്നത്. പുഴയോരത്തെ വഴിയില് വെച്ച് ജെ സി ബി ഉപയോഗിച്ച് കല്ലുകള് മാറ്റി വഴി നന്നാക്കുകയായിരുന്ന തോമസിന്റെ മകന് ഷിജോ (38) എന്ന ഉണ്ണിയെ ചാക്കോ ആക്രമിക്കുകയും കുത്തിക്കൊലപ്പെടുത്തുകയുമായിരുന്നു. പെരുവണ്ണാമൂഴി പോലീസ് രജിസ്റ്റര് ചെയ്ത കേസില് അന്ന് എസ് എച്ച് ഒ ആയിരുന്ന ദിനേശ് കോറോത്ത് ആണ് അന്വേഷണം നടത്തി കുറ്റപത്രം സമര്പിച്ചത്. പ്രോസിക്യൂഷന് വേണ്ടി അഡീഷണല് പബ്ലിക് പ്രോസിക്യൂട്ടര് അഡ്വ. എന് ഷംസുദ്ധീന്, അഡ്വ. എന് രശ്മി റാം എന്നിവര് ഹാജരായി.
Latest
പിഎസ്എല്വിയുടെ തുടര്പരാജയങ്ങള്; അജിത് ഡോവല് തിരുവനന്തപുരത്തെത്തി വിവരശേഖരം നടത്തിയതായി റിപ്പോര്ട്ടുകള്
വിവാഹ ചടങ്ങില് പങ്കെടുത്ത് മടങ്ങവെ ഒമ്പതു വയസുകാരനെ ബസില് പീഡിപ്പിച്ചു; ടൂറിസ്റ്റ് ബസ് ജീവനക്കാരന് പിടിയില്
പമ്പാ നദിയില് കാണാതായ വിദ്യാര്ഥിയുടെ മൃതദേഹം കണ്ടെടുത്തു
ജയിക്കുന്നതിന് മുമ്പേ എംഎല്എ ഓഫീസ് തുറന്നയാളാണ്; അതിവേഗ റെയില്പാതയില് ഇ ശ്രീധരനെ പരിഹസിച്ച് മുഖ്യമന്ത്രി
പാർലമെന്റിൽ പ്രസംഗിക്കുന്നതിൽ നിന്ന് തന്നെ മനപ്പൂർവ്വം തടയുന്നു; സ്പീക്കർക്ക് കത്ത് നൽകി രാഹുൽ ഗാന്ധി
സുപ്രീം കോടതിയുടെ അന്ത്യശാസനം; വാട്സ് ആപ്പ് ഇന്ത്യ വിടുമോ?
