International
ദക്ഷിണാഫ്രിക്കയില്‍ ബസ് മലയിടുക്കിലേക്ക് മറിഞ്ഞ് 45 മരണം
അപകടത്തില്‍ എട്ട് വയസുള്ള കുട്ടി പരുക്കുകളോടെ രക്ഷപ്പെട്ടു
കേപ്ടൗണ്‍ | ദക്ഷിണാഫ്രിക്കയില്‍ ബസ് മലയിടുക്കിലേക്ക് മറിഞ്ഞ് 45 പേര്‍ മരിച്ചു. അപകടത്തില്‍ എട്ട് വയസുള്ള കുട്ടി പരുക്കുകളോടെ രക്ഷപ്പെട്ടു. ബോട്‌സ്വാനയില്‍ നിന്ന് രാജ്യത്തിന്റെ വടക്ക് ഭാഗത്തുള്ള മോറിയയിലേക്ക് പോകുകയായിരുന്ന വാഹനം പാലത്തില്‍ നിന്നും മലയിടുക്കിലേക്ക് മറിയുകയായിരുന്നുവെന്നാണ് റിപ്പോര്‍ട്ടുകള്‍. ഡ്രൈവര്‍ക്കു ബസിന്റെ നിയന്ത്രണം നഷ്ടപ്പെട്ടതാണ് അപകടകാരണം.
പാലത്തില്‍ നിന്നും താഴെ വീണ ബസിന് തീപ്പിടിച്ചു. ചില മൃതദേഹങ്ങള്‍ തിരിച്ചറിയാനാകാത്ത വിധം കത്തിനശിച്ചിരുന്നു. ബസിന് ബോട്‌സ്വാന ലൈസന്‍സ് ആണ് ഉള്ളത്. എന്നാല്‍ യാത്രക്കാര്‍ എത് രാജ്യക്കാരാണെന്ന് പരിശോധിച്ചുവരികയാണെന്ന് പ്രാദേശിക അധികൃതര്‍ പറഞ്ഞു.
ഗതാഗത മന്ത്രി സിന്ദിസിവെ ചിക്കുംഗ സംഭവസ്ഥലം സന്ദര്‍ശിച്ചു. അപകടത്തിന്റെ കാരണത്തെക്കുറിച്ച് സമഗ്രമായ അന്വേഷണം നടത്തുമെന്ന് അദ്ദേഹം പറഞ്ഞു. അപകടത്തിന് ഏതാനും മണിക്കൂറുകള്‍ക്ക് മുമ്പ്, ഈസ്റ്റര്‍ ആഴ്ചയില്‍ യാത്ര ചെയ്യുമ്പോള്‍ ശ്രദ്ധിക്കണമെന്ന് പ്രസിഡന്റ് സിറില്‍ റമാഫോസ ദക്ഷിണാഫ്രിക്കക്കാരോട് അഭ്യര്‍ഥിച്ചിരുന്നു.
Latest
ഗസ്സയില്‍ ആക്രമണത്തില്‍ കൊല്ലപ്പെട്ട യുവതിയുടെ ഗര്‍ഭപാത്രത്തില്‍ നിന്നും രക്ഷപ്പെടുത്തിയ കുഞ്ഞ് മരിച്ചു
പാലക്കാട് പന്നിയുടെ ആക്രമണത്തില്‍ വീട്ടമ്മക്ക് പരുക്കേറ്റു
ക്ഷീണമകറ്റാന്‍ പഞ്ചസാര കഴിക്കുന്നുണ്ടോ എന്നാല്‍ ഇക്കാര്യങ്ങള്‍ സൂക്ഷിച്ചോളൂ
മമതാ ബാനര്‍ജിക്ക് ഹെലികോപ്റ്ററില്‍ കയറുന്നതിനിടെ വീണ് പരുക്കേറ്റു
ഭൂപതിവ് ബില്ലടക്കം തടഞ്ഞുവെച്ച അഞ്ച് ബില്ലുകളില്‍ ഒപ്പിട്ട് ഗവര്‍ണര്‍
സംസ്ഥാനത്ത് മൂന്ന് ജില്ലകളില്‍ ഉഷ്ണതരംഗ മുന്നറിയിപ്പ്
