National
ഇന്ദോറില്‍ പതിനെട്ടുകാരന്‍ ക്ലാസില്‍ കുഴഞ്ഞുവീണു മരിച്ചു
ക്ലാസിലിരുന്ന മാധവ് നെഞ്ചുവേദനയെ തുടര്‍ന്ന് ഡസ്‌കില്‍ നിന്നും ഊര്‍ന്ന് നിലത്തേക്ക് വീഴുകയായിരുന്നു
ഇന്ദോര്‍ | മധ്യപ്രദേശിലെ ഇന്ദോറില്‍ പതിനെട്ടുകാരന്‍ ക്ലാസില്‍ കുഴഞ്ഞുവീണു മരിച്ചു. മധ്യപ്രദേശ് പബ്ലിക് സര്‍വ്വീസ് കമ്മീഷന്‍ (എംപിപിഎസ്‌സി ) പ്രവേശന പരീക്ഷാ പരിശീലനത്തിനുള്ള ക്ലാസിലിരിക്കുന്നതിനിടെയാണ് മാധവ് എന്ന ഉദ്യോഗാര്‍ഥി കുഴഞ്ഞുവീണത്. സൈലന്റ് ഹാര്‍ട്ട് അറ്റാക്കാണ് മാധവിന് ഉണ്ടായതെന്നാണ് വിലയിരുത്തല്‍. മാധവ് ക്ലാസ് മുറിയില്‍ കുഴഞ്ഞുവീഴുന്നതിന്റെ ദൃശ്യങ്ങള്‍ സിസിടിവി ക്യാമറയില്‍ പതിഞ്ഞിട്ടുണ്ട്.
ക്ലാസിലിരുന്ന മാധവ് നെഞ്ചുവേദനയെ തുടര്‍ന്ന് ഡസ്‌കില്‍ നിന്നും ഊര്‍ന്ന് നിലത്തേക്കുവീണു. അടുത്തിരിക്കുന്ന സുഹൃത്തുക്കള്‍ ഉടന്‍ തന്നെ അധ്യാപകനെ വിവരം അറിയിച്ചു. തുടര്‍ന്ന് അധ്യാപകരും സുഹൃത്തുക്കളും ചേര്‍ന്ന് സ്വകാര്യ ആശുപത്രിയില്‍ മാധവിനെ എത്തിച്ചെങ്കിലും മരണം സംഭവിച്ചു. കഴിഞ്ഞ ഏതാനും ആഴ്ച്ചകള്‍ക്കിടെയില്‍ നാലുപേര്‍ ഇന്ദോറില്‍ സമാനമായ രീതിയില്‍ മരിച്ചിട്ടുണ്ടെന്ന് റിപ്പോര്‍ട്ടുണ്ട്.
കഴിഞ്ഞ വര്‍ഷം വ്യായാമം ചെയ്യുന്നതിനിടെ മരിച്ച 55കാരനും സ്‌കൂളിലിരിക്കവെ മരിച്ച 16കാരിയും സൈലന്റ് അറ്റാക്കിന് ഇരകളായിരുന്നു.
Latest
പ്രവാസിയുടെ മൃതദേഹം 14 ദിവസത്തിനു ശേഷം നാട്ടിലേക്ക്
പെണ്‍ബന്ധങ്ങളെ എതിര്‍ത്ത വീട്ടുകാര്‍ക്ക് വിദ്യാര്‍ഥി വിഷം നല്‍കി; അമ്മയും മുത്തച്ഛനും മരിച്ചു
എസ് രാജേന്ദ്രനെ ബി ജെ പി നേതാക്കള്‍ സന്ദര്‍ശിച്ചു
ജ്വല്ലറികളിലേക്ക് മൊത്തമായി വിതരണം ചെയ്യാനെത്തിച്ച സ്വര്‍ണ്ണം മലപ്പുറം താനൂരില്‍ അഞ്ചംഗ സംഘം കവര്‍ന്നു
നിയന്ത്രണംവിട്ട കാര്‍ തുണിക്കടയിലേക്ക് ഇടിച്ചുകയറി അപകടം; അഞ്ച് പേര്‍ക്ക് പരുക്ക്
കെഎസ്ആര്‍ടിസി ബസ് ഇടിച്ച് ഇരുചക്രവാഹന യാത്രികൻ മരിച്ചു
