Covid19
അടുത്ത മൂന്നാഴ്ച കൂടുതല് ജാഗ്രത വേണം: വീണാ ജോര്ജ്
തിരുവനന്തപുരം | സംസ്ഥാനത്തെ കൊവിഡ് പ്രതിരോധത്തില് അടുത്ത രണ്ട്, മൂന്ന് ആഴ്ച നിര്ണായകമാണെന്ന് ആരോഗ്യമന്ത്രി വീണാ ജോര്ജ്. ഈ സമയങ്ങളില് കൂടുതല് ജാഗ്രത പാലിക്കണം. ആള്ക്കൂട്ടം പരമാവധി ഒഴിവാക്കണം. വീട്ടിലെ ചടങ്ങുകളില് ആളുകളുടെ എണ്ണം പരമാവധികുറക്കണം. എല്ലാ വകുപ്പുകളും വളരെ ഏകോപനത്തോടെയാണ് പ്രവര്ത്തിക്കുന്നത്. മൂന്നാം തരംഗത്തിന്റെ ഒരു സൂചന ഇപ്പോഴില്ലെന്നും മന്ത്രി പറഞ്ഞു.
സംസ്ഥാനത്ത് കൊവിഡ് പ്രതിരോധം മികച്ച രീതിയിലാണ് നടക്കുന്നത്. പരമാവധി പേരെ പരിശോധന നടത്തി രോഗികളെ കണ്ടെത്തി അവരെ ക്വാറന്റൈനിലാക്കുകയും അവര്ക്ക് ചികിത്സ നല്കുകയും ചെയ്യുന്നു.ബുധനാഴ്ചയാണ് സംസ്ഥാനത്ത് ഏറ്റവും ഉയര്ന്ന പരിശോധനയാണ് നടന്നത്. 1,96,902 സാമ്പിളുകളാണ് പരിശോധിച്ചത്. അതേസമയം ടെസ്റ്റ് പോസിറ്റിവിറ്റി നിരക്ക് 11.2 മാത്രമാണുള്ളത്.
ഇന്ന് 1,63,098 സാമ്പിളുകള് പരിശോധിച്ചു. ടെസ്റ്റ് പോസിറ്റിവിറ്റി നിരക്ക് 13.53 ആണ്. പോസിറ്റീവായ ഒരാളെപ്പോലും വിട്ടുപോകാതിരിക്കാനാണ് ശ്രമിക്കുന്നത്. കൊവിഡ് പ്രതിരോധം സംബന്ധിച്ച് കേരളം സ്വീകരിച്ചിട്ടുള്ള രീതികളെ ദേശീയതലത്തില് വിദഗ്ധര് നല്ല അഭിപ്രായമാണ് രേഖപ്പെടുത്തിയിട്ടുള്ളതെന്നും മന്ത്രി പറഞ്ഞു.