Connect with us

Kannur

മുഹമ്മദ് അഫ്‌ലഹ്: നഷ്ടമായത് ഊര്‍ജ്ജസ്വലനായ സുന്നി പ്രവര്‍ത്തകനെ

Published

|

Last Updated

പാനൂര്‍ | കൗമാരത്തിന്റെ ചാപല്യങ്ങളില്‍ വഴുതി വീഴാതെ സാമൂഹ്യ സേവനത്തിനും സുന്നി വിദ്യാര്‍ത്ഥി പ്രസ്ഥാനത്തിന്റെ പിന്നണി പ്രവര്‍ത്തനങ്ങളിലും സജീവ സാന്നിധ്യമായി നിറഞ്ഞു നിന്ന പ്രതിഭയായിരുന്നു കഴിഞ്ഞ ദിവസം വിട പറഞ്ഞ എസ്.എസ്.എഫ് ചമ്പാട് സെക്ടര്‍ സെക്രട്ടറി മുഹമ്മദ് അഫ്ലഹ്. ബലി പെരുന്നാള്‍ രാവില്‍ തലശ്ശേരി റോഡിന് സമീപം ആകസ്മികമായി സംഭവിച്ച വാഹനാപകടത്തില്‍ സുന്നി വിദ്യാര്‍ത്ഥി പ്രസ്ഥാനത്തിന് നഷ്ടപ്പെട്ടത് ഊര്‍ജ്ജ്വസ്സലനായ ഒരു പ്രവര്‍ത്തകനെയായിരുന്നു.

തന്നില്‍ ഏല്‍പ്പിക്കപ്പെട്ട ദൗത്യങ്ങളെല്ലാം മനോഹരമായി കൈകാര്യം ചെയ്യുന്നതില്‍ അവന്‍ അതീവ ശ്രദ്ധ പുലര്‍ത്തിയിരുന്നു. ബലിപെരുന്നാള്‍ ദിനത്തില്‍ എസ് എസ് എഫിന് കീഴില്‍ നിര്‍ധനരായ രോഗികള്‍ക്കും മറ്റും സമാശ്വാസായി കൈമാറുന്ന ആശ്വാസം ഫണ്ട് ഒരുക്കത്തിലായിരുന്നു അഫ്‌ലഹ്. തലേദിവസം ഡിവിഷന്‍ സെക്രട്ടറിക്ക് അവന്‍ വാട്സ്അപ്പില്‍ അതിന്റെ ഒരുക്കങ്ങളെകുറിച്ച് വോയ്‌സ് അയക്കുക കൂടി ചെയ്തിരുന്നു.

നേരത്തെ നടന്ന സി.എ.എ.,എന്‍ ആര്‍.സി.പ്രതിഷേധങ്ങളുമായി ബന്ധപ്പെട്ട് കാസര്‍ഗോഡ് മുതല്‍ തിരുവനന്തപുരം വരെ എസ് എസ് എഫ് സംസ്ഥാന കമ്മിറ്റി നടത്തിയ ജാഥയില്‍ ധര്‍മ്മടം മുതല്‍ മാഹി വരെയുള്ള ചലനങ്ങള്‍ ക്യാമറയിലൂടെ ഒപ്പിയെടുക്കുന്നതില്‍ അവനായിരുന്നു നേതൃത്വം വഹിച്ചിരുന്നത്.പഠിക്കാനും പ്രവര്‍ത്തിക്കാനും അഫ്‌ലഹ് ഒരു പോലെ ഉത്സാഹം കാണിച്ചിരുന്നു.

ചെന്നൈയില്‍ ഭാരതിയാര്‍ യൂണിവേഴ്‌സിറ്റിയില്‍ബി ടെക് സൈബര്‍ സെക്യൂരിറ്റി കോഴ്‌സില്‍ ഒന്നാം വര്‍ഷം പൂര്‍ത്തിയാവാനിരിക്കെയാണ് അഫ്ലഹിന്റെ വിയോഗം സംഭവിച്ചത്. സംഘടനാപരമായി നേരത്തെ തന്നെ സജീവമായി ഇടപെടുന്ന കുടുംബം കൂടിയായിരുന്നു അഫ്ലഹിന്റേത്. ലക്ഷദ്വീപില്‍ ബിസിനസ്സ് നടത്തുന്ന പിതാവ് ആസിഫ് ഏരൂര്‍ കേരള മുസ്ലിം ജമാഅത്ത് പ്രവര്‍ത്തകനാണ്. അനുജന്‍ അയ്മന്‍ സംസ്ഥാന സാഹിത്യോത്സവ് പ്രതിഭയാണ്.

അഫ്ലഹിന്റെ വിയോഗത്തില്‍ ആ കുടുംബത്തോടൊപ്പം അവന്‍ സ്‌നേഹിച്ച പ്രസ്ഥാനവും ചമ്പാട് എന്ന നാടും ഏറെ ദുഖത്തിലാണ്. മയ്യിത്ത് വ്യാഴാഴ്ച് വൈകുന്നേരം 4 മണിയോടെ മേലേ ചമ്പാട് ജുമാമസ്ജിദില്‍ ഖബറടക്കി.

മയ്യിത്ത് നിസ്‌ക്കാരത്തിന് എസ് എസ് എഫ് മുന്‍ സംസ്ഥാന പ്രസിഡണ്ട് സി.കെ.റാഷിദ് ബുഖാരി ,എസ് എസ് എഫ് സംസ്ഥാന സെക്രട്ടറി ഫിര്‍ദൗസ് സഖാഫി കടവത്തൂര്‍, എസ് വൈ എസ് ജില്ല പ്രസിഡന്റ് അബ്ദുള്ളക്കുട്ടി ബാഖവി കേരള മുസ്ലിം ജമാഅത്ത് ജില്ലാ വൈസ് പ്രസിഡന്റ് അബ്ദുല്ലതീഫ് സഅദി പഴശ്ശി ,എസ്എസ്എഫ് ജില്ലാ പ്രസിഡന്റ് അനസ് അമാനി തളിപ്പറമ്പ്, റഷീദ് സഖാഫി മെരുവമ്പായി, തുടങ്ങിയവര്‍ നേതൃത്വം നല്‍കി.

Latest